ଜାତୀୟ ମୁକ୍ତି ସଙ୍ଗ୍ରାମର କବିତା - 'କହ କେଉଁ ଜାତି ପାଇଛି ମୁକତି'

କବିତା ଓ କଣ୍ଠ ବାଞ୍ଛାନିଧି ମହାନ୍ତି (୧୮୯୭-୧୯୩୮)

ଗୀତର ୟୁଟ୍ୟୁବ ଲିଙ୍କ - https://www.youtube.com/watch?v=Cf5xRYSY-JI

ବାଞ୍ଛାନିଧି ମହାନ୍ତି
ଫଟୋ କ୍ରେଡ଼ିଟ - ଡବ୍ଲ୍ୟୁଡବ୍ଲ୍ୟୁଡବ୍ଲ୍ୟୁଡଟୟୁଟ୍ୟୁବଡଟକମ

କହ କହ କେଉଁ ଜାତି ପାଇଛି ମୁକତି

କରି ହୁରି ହାରି ଗୁହାରି;

କହ ପାଇଛି କେ ସୁଖ ଲିଭାଇଛି ଦୁଃଖ

ମାଗି ମାଗି ପଥ ଭିକାରୀ । (ଘୋଷା) ।

ଯେବେ ବାଘ ମୁହେଁ ପଡ଼େ ଶୀକାର

ମିନତିରେ ପାଏ କି ସେ ଉଦ୍ଧାର 

ଛାଡ଼ିକି ଦିଏ କେବେ ଧୀବର ଜାଲରୁ

ନ ଗଲେ ମୀନ ଆପେ ବାହାରି ।୧।

ଦେଖ ଆଇରିସ୍, ଚାଇନା, ଜାପାନ

ଆମେରିକା, ଆଫଗାନ, ପଠାନ

ପରାଣ ପାତି ହେଲେ ମୁକତି

ଜୀବନ-ମରଣ ନ ବିଚାରି ।୨।

ଆଜି ଅଭିମନ୍ୟୁ ପରି ଘେରି 

ଚଉଦିଗୁଁ  ଜନନୀ କୁମାରୀ

ଏକା ଆତ୍ମଶକ୍ତି ସୁବିକାଶ ସୁଦର୍ଶନ

ଚକ୍ରଟି କରିଦେବ ପାରି ।୩।