ମହିମା ଭକ୍ତି କବିତା - 'ସ୍ୱାମୀ ବୁଝିବେ ହେ'
କବି - ଭୀମ ଭୋଇ
 |
| ମିଶର ଦେଶର ହାଟ ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍ |
ସ୍ୱାମୀ ବୁଝିବେ ହେ ଆତଙ୍ଗେ ଡାକିଲେ ।
ଉଦେ ଅସ୍ତ ଦରଶନ ଧର୍ମକୁ ପାଳିଲେ । ଘୋଷା ।
ଅମୂଲ୍ୟ ରତନ ବାନ୍ଧିଥା ଯତନ
ହସ୍ତରୁ ଖସିବ ଧର ଧର ଏତେବେଳେ ।୧।
ଫିଟିଛି କବାଟ କରିଆସ ହାଟ,
ବଜାର ବସିଛି କିଣ ଯାହା ଇଚ୍ଛା ଥିଲେ ।୨।
ବାଛି ବାଛି ନିଅ ଭଣ୍ଡାରରେ ଥୁଅ
ହେଳା କଲେ ଭେଳା ବୁଡ଼ି ଭାସିଯିବ ଜଳେ ।୩।
ଧରିଥା ସମ୍ଭାଳି ନିତ୍ୟେ ପ୍ରତିପାଳି,
ତିମିର ଫିଟିବ ପ୍ରଭୁ ପ୍ରସନ୍ନ ହୋଇଲେ ।୪।
ପଡ଼ୁଅଛି କୂଟ ହୋଇ ନାନା ବାଟ
ରଙ୍ଗ ପସରାରେ ବୁଡ଼ି ମରନାହିଁ ଭୋଳେ ।୫।
ଚାହିଁ ଦୟା ଥିବ ସ୍ୱାମୀ ଗୁରୁଦେବ
ଭୀମ ଭୋଇ ଅଛି ସୁର ଅସୁରଙ୍କ ମେଳେ ।୬।
No comments:
Post a Comment