ଓଡ଼ିଶାର ଢଗ ଢମାଳୀ ସଙ୍ଗ୍ରହ - ୫
ସଙ୍କଳନ - ସ୍ନେହଲତା ଷଡଙ୍ଗୀ
 |
| ଆସାମରେ ମାଛଧରା (ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍) |
୨୧
ଓଲଟି ଦାସେ ଘାଡ଼ା ଚଢ଼ନ୍ତି ।
ଅର୍ଥ: ଭୁଲ୍ କରିଥିବା ଲୋକ ନିଜ ଭୁଲ ପାଇଁ ଅନୁତାପ କରିବ ବା କ୍ଷମା ମାଗିବା ପରିବର୍ତ୍ତେ ନିଜ ଭୁଲ୍କୁ ଠିକ୍ ବୋଲି ପ୍ରମାଣିତ କରିବାକୁ ଚେଷ୍ଟା କରି ଅପରକୁ ଦୋଷ ଦେବା ।
୨୨
ଚକୁଳି ଖାଇବା ଲୋକ
ବିନ୍ଧ ଗଣିବା କ’ଣ ଦରକାର ।
ଅର୍ଥ: ମଣିଷ ସବୁବେଳେ ତାହାର ନିଜ ଅଧିକାରର ସୀମାରେଖା ଭିତରେ ରହିବା ଉଚିତ ।
୨୩
ତୁଳସି ଦୁଇପତ୍ରରୁ ବାସେ
ବିଛୁଆତି ଦୁଇ ପତ୍ରରୁ କୁଣ୍ଡେଇ ହୁଏ ।
ଅର୍ଥ: କୌଣସି ବ୍ୟକ୍ତିର ଚରିତ୍ର (ଭଲ, ଖରାପ ବା ବୁଦ୍ଧିମାନ, ନିର୍ବୁଦ୍ଧିଆ) ଅତି ଛୋଟ ବେଳରୁ ତା’ର ଚାଲିଚଳଣରୁ ଜଣାପଡେ଼ ।
୨୪
ବାପ ପୁଅ ରାତି ଅନିଦ୍ରା
ଏଣେ ମୁଗୁରା ମୁହଁ ଖୋଲା ।
ଅର୍ଥ: ବୃଥା ପରିଶ୍ରମ । ପରିଶ୍ରମର ଫଳ କିଛି ନ ମିଳିବା ।
୨୫
ଘର କାହାର ଦ୍ୱାର କାହାର
ଖେଣ୍ଟେଇ ଜଗିଲେ ଘର ଦୁଆର ।
ଅର୍ଥ: ଘରର
ପ୍ରକୃତ ଅଧିକାରୀ ନଥିବା ହେତୁ
ବାହାର ଲୋକ ଆସି ମାମଲତକାର ହେବା
।
No comments:
Post a Comment