ବିଶ୍ୱାସ: ଏକ ଲୋକତାତ୍ତ୍ୱିକ ଅବଧାରଣା - ୧
ସଞ୍ଜୟ କୁମାର ବାଗ
ହୁଡ଼େନିଙ୍ଗ ନାମକ ଏକ ବିଲାତି ଲୋକ ପରମ୍ପରା (୧୯୦୯ ମସିହାର ଚିତ୍ର) ଏଥିରେ ଦଳଦଳ ହୋଇ କାଠଘୋଡ଼ାରେ ସଜ୍ଜିତ ଜଣେ ଲୋକଙ୍କୁ ଧରି ଭିକ୍ଷା ମଗାଯାଏ ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍ |
ଲୋକଧାରା
ଗୋଟିଏ ଗୋଷ୍ଠୀର ପାରମ୍ପରିକ
ଜ୍ଞାନ ବା ବିଶ୍ୱାସର ପରିପ୍ରକାଶକ
। ମଣିଷ ଯେତେ ଆଧୁନିକ ଜୀବନ ଜୀଇଁଲେ
ମଧ୍ୟ ତାହାର ଦୈନନ୍ଦିନ ଜୀବନରେ
ପାରମ୍ପରିକ ଭାବରେ ହିଁ ଆଦାନପ୍ରଦାନ
କରିଥାଏ,
ଓ
ଆମର ବହୁବିଧ କାର୍ଯ୍ୟ ପଛରେ
ଏକଏକ
ବିଶ୍ୱାସ ଥାଏ । ଏକ ଲୋକଗୋଷ୍ଠୀରେ
ପ୍ରଚଳିତ ବିଶ୍ୱାସ ତାହାର ଦୈନନ୍ଦିନ
ଜୀବନ ତଥା ବିଚାର ଓ ବିଶ୍ୱଦୃଷ୍ଟିକୁ
ବହୁ ଭାବରେ ପ୍ରଭାବିତ କରିଥାଏ
। ଏପରିକି ପରିବେଶ,
ପରିସ୍ଥିତି
ପ୍ରସଙ୍ଗରେ ସମୟକ୍ରମେ ଲୋକଗୋଷ୍ଠୀରେ
ଅନେକ ନୂତନ ବିଶ୍ୱାସର ସୃଷ୍ଟି
ମଧ୍ୟ ହୋଇଥାଏ । ଉଦାହରଣସ୍ୱରୂପ—
ଆମେ ଯାତ୍ରା ସମୟରେ ଆମର ରାସ୍ତା
ସାମ୍ନାକୁ ବିଲେଇଟିଏ ଆସିଲେ
ତାହାକୁ ଅଶୁଭ ବୋଲି ବିଶ୍ୱାସ
କରିଥାଉ । ଗୁରୁବାର ଦିନକୁ
ଲକ୍ଷ୍ମୀଙ୍କ ବାର ମନେ କରି ସେଦିନ
କାହାକୁ ଟଙ୍କା,
ଧାନ
ଆଦି ଦେବାକୁ କୁଣ୍ଠାବୋଧ କରିଥାଉ
। ସେହିପରି,
ସମଗ୍ର
ଓଡିଶାରେ ଅକ୍ଷୟ ତୃତୀୟା ଦିନ
ଧାନବୁଣିବା ବା କୃଷିକାର୍ଯ୍ୟ
ଆରମ୍ଭ କରିବା ଶୁଭଫଳ ଦିଏ ବୋଲି
ବିବେଚନା କରାଯାଇଥାଏ ।
ସମ୍ପ୍ରତି
ଗଣମାଧ୍ୟମର ପ୍ରଭାବହେଉ ବା ଅନ୍ୟ
ସାଂସ୍କୃତିକ ସଂସର୍ଗରୁ ହେଉ
ଓଡିଆ ଲୋକଗୋଷ୍ଠୀରେ ଏକ ଧାରଣା
ସୃଷ୍ଟିହୋଇଛି ଯେ,
ଧନ୍ତୋରାସ୍ରେ
ସୁନା କିଣିବା ଶୁଭ,
ଯଦିଓ
ଏପରି ଏକ ଧାରଣା କିଛି ଦଶନ୍ଧି
ତଳେ ନ ଥିଲା । ସେହି ପରି,
ସମ୍ପ୍ରତି
ଓଡିଶାର ଅନେକ ଲୋକଗୋଷ୍ଠୀର ସଦସ୍ୟ
ସେମାନଙ୍କ ଗୃହରେ ‘ଲାଫିଙ୍ଗ୍
ବୁଦ୍ଧ’ ରଖିବା,
ଆମର
ଶିକ୍ଷା ତଥା ‘ଆହରିତ ବିଶ୍ୱାସ’ର
ପରିଚାୟକ । ଏହିପରି ଅନେକ ପାରମ୍ପରିକ
ବିଶ୍ୱାସ ଆମ ଦୈନନ୍ଦିନ ଜୀବନରେ
ଦେଖିବାକୁ ମିଳେ । ଆମର ସ୍ଥାନୀୟ
ସମାଜରେ ବହୁ ଜାତି,
ଜନଜାତି
ତଥା ବିଭିନ୍ନ ଧର୍ମଧାରା ଓ ପରମ୍ପରାର
ସମନ୍ୱୟ ଦେଖିବାକୁ ପାଇଥାଉ ।
ଅତଏବ,
ଏସବୁ
ଜାତି,
ଜନଜାତି,
ଏବଂ
ବିଭିନ୍ନ ଲୋକଗୋଷ୍ଠୀର ସଦସ୍ୟଙ୍କ
ମଧ୍ୟରେ ଏପରିକି ପାରିବାରିକସ୍ତରରେ
ମଧ୍ୟ ନିଜସ୍ୱ ନିର୍ଦ୍ଦିଷ୍ଟ
ବିଶ୍ୱାସଧାରା ଅଛି ଯାହା ପରିବାରର
ସମସ୍ତ ସଭ୍ୟ ପାଳନକରିଥାନ୍ତି,
ଏବଂ
ଏସବୁ ସମ୍ପୃକ୍ତ ସଦସ୍ୟଙ୍କ
ଜୀବନଧାରାକୁ ବହୁଭାବରେ ପ୍ରଭାବିତ
କରିଥାଏ ।
ଉଦାହରଣସ୍ୱରୂପ,
ପଶ୍ଚିମ
ଓଡିଶାର ତାଣ୍ଡି ବଂଶର ପରିବାରର
ବଡବୋହୂ ‘ଓସ୍ନାବ ଡେଗା’ ଅର୍ଥାତ୍
ଅନ୍ୟ ଘରର ଓଳି ଡେଇଁ ଅଣାଯାଇଥିବା
ତରକାରୀ ବା ଖାଦ୍ୟପଦାର୍ଥ ଖାଆନ୍ତି
ନାହିଁ । ସେହି ପରି,
ଗାଢରଙ୍ଗ
କିମ୍ବା କଳାରଙ୍ଗର କପଡା ବ୍ୟବହାର
କରନ୍ତି ନାହିଁ କାରଣ,
ଏହା
ତାଙ୍କ ବଂଶର ଆରାଧ୍ୟ ଦେବୀଙ୍କର
। ଅଞ୍ଚଳ ଭିତ୍ତିରେ ହେଉ ପଛେ,
ଏହି
ବିଶ୍ୱାସ ସମସ୍ତ ତାଣ୍ଡି ପରିବାରର
ବୋହୂମାନଙ୍କ ପାଖରେ ଦେଖାଯାଏ
ଏବଂ ଏହା ସେମାନଙ୍କ ପାଇଁ ଅର୍ଥପୂର୍ଣ୍ଣ
। ଅତଏବ,
ଆମର
ଦୈନନ୍ଦିନ ଜୀବନରେ ପାରମ୍ପରିକ
ବିଶ୍ୱାସର ଗୁରୁତ୍ୱପୂର୍ଣ୍ଣ
ଭୂମିକାକୁ ଅସ୍ୱୀକାର କରାଯାଇନପାରେ
।
ଗଛ ତଳେ ଲାଫିଙ୍ଗ୍ ବୁଦ୍ଧ ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍ |
ମିଥ୍,
ଗାଥା,
ଗୀତ,
କଥାନି,
ପ୍ରବାଦ-ପ୍ରବଚନ
ଭଳି ‘ବିଶ୍ୱାସ’ ଲୋକଧାରା ଅଧ୍ୟୟନ
କ୍ଷେତ୍ରରେ ଏକ ସ୍ୱତନ୍ତ୍ର
ଆଲୋଚନାର ବିଷୟ । ଗୋଟିଏ ଗୋଷ୍ଠୀର
ଜୀବନଧାରା ତଥା ସେହି ଗୋଷ୍ଠୀର
ସଦସ୍ୟଙ୍କ ମଧ୍ୟରେ ହେଉଥିବା
ପାରମ୍ପରିକ ଆଦାନପ୍ରଦାନର ସ୍ୱରୂପ,
ସେମାନଙ୍କର
ଆଚାର-ବ୍ୟବହାର,
ଚିନ୍ତାଧାରା,
ରୀତିନୀତି,
ସାଂସ୍କୃତିକ
ଚେତନା ଦୈନନ୍ଦିନ ଅବଧାରଣା
ସର୍ବୋପରି ସେମାନଙ୍କର ବିଶ୍ୱଦୃଷ୍ଟି
ସମ୍ପର୍କରେ ଅବଗତ ହେବାକୁ ହେଲେ
ସମ୍ପୃକ୍ତ ଗୋଷ୍ଠୀରେ ପ୍ରଚଳିତ
ବିଶ୍ୱାସର ଅନୁଶୀଳନ ଏକ ଭିନ୍ନ
ପରିଚିତି ସୃଷ୍ଟି କରିଥାଏ ।
ଆନ୍ତର୍ଜାତିକ ସ୍ତରରେ ବିଭିନ୍ନ
ଅଞ୍ଚଳରେ ତଥା ଲୋକଗୋଷ୍ଠୀ ଗୁଡିକରେ
ପ୍ରଚଳିତ ବିଶ୍ୱାସର ଅନୁଶୀଳନ
ଲୋକତତ୍ତ୍ୱବିଦ୍ମାନେ
କରିଛନ୍ତି ତଥା କରିଚାଲିଛନ୍ତି,
ଏବଂ
ସମ୍ପୃକ୍ତ ଗୋଷ୍ଠୀର ମହତ୍ତ୍ୱପୂର୍ଣ୍ଣ
ଦିଗଗୁଡିକ ଅନୁଶୀଳନ କରିବା ସହିତ
ଅନ୍ୟମାନଙ୍କୁ ସେସମ୍ପର୍କରେ
ଅବଗତ କରାଇବାକୁ ପ୍ରଚେଷ୍ଟା
କରୁଛନ୍ତି ।
ଜନ୍
ବୀମ୍ସ୍ଙ୍କ
ଠାରୁ ସାମ୍ପ୍ରତିକ କାଳ ଯାଏ ଓଡିଆ
ଲୋକଧାରା ତଥା ପଶ୍ଚିମ ଓଡିଶାର
ଲୋକଧାରାର ଆଲୋଚନା ପ୍ରସଙ୍ଗରେ
ବିଭିନ୍ନ ଉପାଦାନର ଅନୁଶୀଳନ
କରାଯାଇଥିଲେ ମଧ୍ୟ ଏଠାରେ ପ୍ରଚଳିତ
ବିଶ୍ୱାସର ସ୍ୱତନ୍ତ୍ର ଅଧ୍ୟୟନ
କରିବା ପାଇଁ କୌଣସି ଗବେଷକ ପ୍ରୟାସ
କରିନାହାନ୍ତି । ଅତଏବ,
ଏଠାରେ
ଏହି ଅଭାବକୁ ପୃଷ୍ଠପଟ୍ଟରେ ରଖି
ପଶ୍ଚିମ ଓଡିଶାର ବିଭିନ୍ନ ଲୋକଗୋଷ୍ଠୀ
ମଧ୍ୟରେ ପ୍ରଚଳିତ ବିଶ୍ୱାସ ତଥା
ସେମାନଙ୍କର ପାରମ୍ପରିକ ଆଦାନପ୍ରଦାନ,
ଆଚାର-ବିଚାର,
ବ୍ୟବହାରଆଦିକୁ
ଅନୁଶୀଳନ କରିବାକୁ ପ୍ରୟାସ
କରାଯାଉଛି ।
ବିଶ୍ୱାସ: ସଂଜ୍ଞା, ଏବଂ ବିଭାଗୀକରଣ
ଗୋଟିଏ
ନିର୍ଦ୍ଦିଷ୍ଟ ପ୍ରସଙ୍ଗ,
ବିଚାର
ତଥା ଅବଧାରଣାକୁ ସାଧାରଣତଃ ଆମେ
ଏକ ବିଶ୍ୱାସଭାବରେ ଗ୍ରହଣ କରିଥାଉ
। ଏହା ସହିତ ଆମର ପାରମ୍ପରିକ
ଜ୍ଞାନ ତଥା ସାମାଜିକ ସାଂସ୍କୃତିକ
ଏବଂ ମାନସିକ ଅବଧାରଣା ଜଡିତ ଥାଏ
। ଆମେ ଆମର ଚାରିପାଖରେ ଘଟୁଥିବା
ଘଟଣା,
ଆମର
ଦୈନନ୍ଦିନ ଜୀବନର ବିଭିନ୍ନ
କାର୍ଯ୍ୟକଳାପ,
ସାମାଜିକ
ରୀତିନୀତି,
ପ୍ରକୃତି
ଏବଂ ପରିବେଶ,
ଆମର
କର୍ମ ପରିସରରେ ପାରମ୍ପରିକ ଭାବରେ
ହିଁ ଆଦାନପ୍ରଦାନ କରିଥାଉ । ଏହି
ଆଦାନପ୍ରଦାନ ଭିତରେ ଅନେକ ବିଶ୍ୱାସଗତ
ଅବଧାରଣା ଥାଏ ଯାହାକୁ ଆମେ ସାଧାରଣତଃ
ଦ୍ୱିଧାହୀନ ଭାବରେ ଗ୍ରହଣ କରି
ନେଇଥାଉ ।
ଏଠାରେ
ସ୍ଥାନୀୟ ପାରମ୍ପରିକ ଜୀବନଧାରାରେ
ଦେଖାଯାଉଥିବା ବିଭିନ୍ନ ବିଶ୍ୱାସକୁ
ଆମର ଆଲୋଚନାର ସହଜ ଅବଧାରଣା
ନିମନ୍ତେ ପାଞ୍ଚଟି ଭାଗରେ ବିଭକ୍ତ
କରାଯାଇ ଏହାର ବିଭିନ୍ନ ଦିଗ ଉପରେ
ଆଲୋଚନା କରାଯିବାକୁ ପ୍ରୟାସ
କରାଯାଉଛି । ତେବେ,
ସୀମିତ
ପରିସର ଯୋଗୁଁ ବିଭାଗୀକରଣକୁ
ଆଧାରକରି କେବଳ ଅବଧାରଣା ପାଇଁ
ଦୁଇ ତିନୋଟି ମାତ୍ର ଉଦାହରଣ
ଦିଆଯାଉଛି ।
ଉଦାହରଣସ୍ୱରୂପ—
ଆମେ ପ୍ରାୟ ସମସ୍ତେ ଜାଣୁ ଯେ,
ଶୁକ୍ରବାର
ଦିନ ମାଁ ସନ୍ତୋଷୀଙ୍କୁ ବିଶ୍ୱାସ
କରୁଥିବା ଅନେକ ଲୋକ ଖଟା ଖାଆନ୍ତି
ନାହିଁ । ସେହି ପରି,
ବାପାମାଆ,
ଶାଶୁଶ୍ୱଶୁର
ତଥା ପରିବାରର ଅନ୍ୟ ଗୁରୁଜନମାନଙ୍କୁ
ପାଦ ଛୁଇଁ ପ୍ରଣାମ କରିବା ମଧ୍ୟ
ଆମର ଏକ ବିଶ୍ୱାସ । ଅନେକ ପରିବାରରେ
ଘରର ବୋହୂ ଓଢଣା ନ ଦେଇ ଶ୍ୱଶୁର
ତଥା ଶ୍ୱଶୁର ଘରର ଅନ୍ୟ ଗୁରୁଜନଙ୍କ
ସାମ୍ନାରେ ଠିଆ ମଧ୍ୟ ହୁଅନ୍ତି
ନାହିଁ (ହୁଏତ
ଏହି ପରମ୍ପରା ସବୁ ପରିବାରରେ ବା
ସମସ୍ତ ଅଞ୍ଚଳରେ ନ ଥାଇପାରେ)
।
ଅନୁରୂପ ଭାବରେ,
ଗ୍ରାମାଞ୍ଚଳରେ
ଏବେ ବି କାଉ ରାବିଲେ କୌଣସି ଖବର
ମିଳିବାର ବା ଅତିଥି ଆସିବାର
ସମ୍ଭାବନା ଥାଏ ବୋଲି ବିଶ୍ୱାସ
କରାଯାଏ ।
୧୯୭୫ ମସିହାର ହିନ୍ଦୀ ଚଳଚିତ୍ର 'ଜୟ ସନ୍ତୋଷୀ ମା'ର ପୋଷ୍ଟର ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍ |
ସେହିପରି,
କର୍ମ
ପରିସରରେ ମଧ୍ୟ ବିଭିନ୍ନ ବିଶ୍ୱାସଗତ
ଆଚରଣ ଦେଖାଯାଏ,
ଯେପରି—
କାମ ଆରମ୍ଭ କରିବା ପୂର୍ବରୁ କେହି
ଜଣେ କାଗଜରେ ଓଁ ଲେଖିଥାଏ ।
କେହିକେହି ଅଫିସ୍ରେ
ନିଜ ଟେବୁଲରେ ବସିବା ଆଗରୁ ହାତ
ଯୋଡି ନମସ୍କାର କରିବା ଦେଖାଯାଏ,
କିଛି
ଲେଖିବା ଆଗରୁ କଲମ ମୁଣ୍ଡ ଉପରକୁ
ଉଠେଇବା ମଧ୍ୟ ଦେଖିବାକୁ ମିଳେ
। ଅତଏବ,
ବିଶ୍ୱାସ
ହେଉଛି— ଗୋଟିଏ ଗୋଷ୍ଠୀର ଏକ
ସାମାଜିକ,
ସାଂସ୍କୃତିକ
ତଥା ରୀତିନୀତିଗତ ଅବଧାରଣା,
ଯାହାକୁ
ସେହି ଗୋଷ୍ଠୀର ସଦସ୍ୟ ଦ୍ୱିଧାହୀନ
ଭାବରେ ଗ୍ରହଣ କରିନେଇ ଥାଆନ୍ତି
। ଏହାର ସଂରଚନା,
ପାଳନ,
ଏବଂ
ପରିବେଷଣର ପୃଷ୍ଠପଟ୍ଟରେ ସାଧାରଣତଃ
ସମ୍ପୃକ୍ତ ଲୋକଗୋଷ୍ଠୀର ପାରମ୍ପରିକ
ଜ୍ଞାନ ତଥା ଅନୁଭୂତି କାମକରିଥାଏ
ବେଳେବେଳେ ଗୋଟିଏ ଗୋଷ୍ଠୀର
ବିଶ୍ୱାସକୁ ଅନ୍ୟ ଗୋଷ୍ଠୀର ସଦସ୍ୟ
ଅନ୍ଧବିଶ୍ୱାସ ଭାବରେ ଗ୍ରହଣ
କରିଥାନ୍ତି ।
କ୍ରାପ୍ପେଙ୍କ ମତରେ ‘‘ସାଧାରଣ
ଭାଷାରେ ଅନ୍ଧବିଶ୍ୱାସ ଆମ ଠାରୁ
ଭିନ୍ନ ଜନଗୋଷ୍ଠୀରେ ସାଧାରଣ
ଭାବରେ ପ୍ରଚଳିତ ବିଶ୍ୱାସ ଓ ଆଚରଣ
ଗୁଡ଼ିକର ସମଷ୍ଟିକୁ ଦର୍ଶାଇଥାଏ
। ଆମର ନିଜର ବିଶ୍ୱାସ ଆଚରଣ ଗୁଡ଼ିକ
ତ ନିଶ୍ଚିତ ଭାବରେ ଧର୍ମମତ ମାତ୍ର
।”
ଅତଏବ,
କୌଣସି
ଗୋଷ୍ଠୀର ଏକ ବିଶ୍ୱାସ ସେ ଯାହା
ବି ହେଉ ତାକୁ ଭ୍ରାନ୍ତଧାରଣା,
ଅମୂଳକ
ବା ଅନ୍ଧବିଶ୍ୱାସ କୁହାଯାଇ ନ
ପାରେ ।
ବରଂ,
ସମ୍ପୃକ୍ତ
ଗୋଷ୍ଠୀର ସଦସ୍ୟ ଏହାକୁ ଉପଯୁକ୍ତ
ମନେ କରି ଥାଆନ୍ତି ତଥା ଏସବୁ
ସେମାନଙ୍କ ପାଇଁ ଅର୍ଥପୂର୍ଣ୍ଣ
।
No comments:
Post a Comment