ନିକୋନୋର ପାର୍ରାଙ୍କ କବିତା 'ମୋ କହିବା କଥାକୁ ମୁଁ ଫେରାଇ ନେବାକୁ ଚାହେଁ'
ଅନୁବାଦ - ଜ୍ୟୋତି ନନ୍ଦ
|
ଚାଲି ଯିବା ଆଗରୁ
ମୋର ଗୋଟିଏ ପ୍ରତ୍ୟାଶା ପୂରଣ ବାସନା ଅଛି ।
ଶ୍ରଦ୍ଧେୟ ପାଠକ
ମୋର ବହିଗୁଡିକ ପୋଡିଦିଅ।
ଯାହା କହିବାକୁ ଚାହିଁଥିଲି ଏଥିରେ ମୋଟେ ତାହା ନାହିଁ
ଯଦିଓ ଏହା ଲେଖାହେଇଥିଲା ରକ୍ତରେ
କିନ୍ତୁ ଏ ସବୁ ତାହା ନୁହଁ
ଯାହା ମୁଁ କହିବାକୁ ଚାହିଁଥିଲି ।
ଏମାନେ କେହି ମୋଠୁ ବେଶି
ବିଷାଦବହନ କରିପାରନ୍ତି ନାହିଁ,
କିନ୍ତୁ ମୁଁ ହାରିଯାଇଛି ମୋ ଛାଇ ପାଖରେ;
ମୋ ଶବ୍ଦମାନେ ମୋ ଉପରେ ପ୍ରତିଶୋଧ ନେଉଛନ୍ତି
କ୍ଷମା କରନ୍ତୁ ପାଠକ,ପ୍ରିୟ ପାଠକ
ଯଦି ମୁଁ ଆପଣମାନଙ୍କୁ
ଉଷ୍ମ ଆଲିଂଗନରେ ବିଦାୟ ଦେଇପାରୁନାହିଁ
ଗୋଟିଏ ବିଷର୍ଣ୍ଣ ହସ ଛାଡିଦେଇ
ବାଧ୍ୟହୋଇ ବିଦାୟ ନେଉଛି ।
ହୁଏତ ଏଇ ଲେଖାଗୁଡିକର ପୂରା ମୁଁ
ମୋର ଶେଷ କଥା ଶୁଣନ୍ତୁ,
ମୁଁ ଫେରାଇ ନେବାକୁ ଚାହେଁ ମୋର ସବୁତକ କଥା ।
ପୃଥିବୀଏ ବିଷାଦ ନେଇ କୁହାଯାଇଥିବା
ମୋର କଥାଗୁଡିକୁ ମୁଁ ଫେରାଇ ନେବାକୁ ଚାହେଁ ।
No comments:
Post a Comment