ଫିଲ୍ମ୍ ସୋସାଇଟି ଅଫ୍ ଭୁବନେଶ୍ୱରର ଅଗଷ୍ଟ ମାସର ଚଳଚିତ୍ର ପ୍ରଦର୍ଶନ
୨୮ ଅଗଷ୍ଟ ( ଶୁକ୍ରବାର), ସନ୍ଧ୍ୟା ୬ ଟା , ଜୟଦେବ ଭବନ, ଏ.ଜି. ଛକ, ଭୁବନେଶ୍ୱର
ଜୟଦେବ ଭବନ (ପୂର୍ବ ନାମ - ସୂଚନା ଭବନ) ଫଟେ କ୍ରେଡିଟ୍ - ସୂଚନା ଓ ଲୋକସମ୍ପର୍କ ବିଭାଗ, ଓଡିଶା ସରକାର |
ସମାଜକୁ ଏହି ବର୍ଷ ଦଶ ବରଷ ପୂରି ଗଲା । ଏହା ପୂର୍ବରୁ ଭୁବନେଶ୍ୱରର ବା ଓଡିଶାର କୌଣସି ଫିଲ୍ମ ସମାଜ ଅବିରତ ଭାବରେ ଦଶ ବରଷ କାମ କରିଥିବାର ଏ ଅଧମ କୁ ଜଣା ନାହିଁ । ସେ ଦୃଶ୍ଟିରୁ ଓଡିଶାର ଫିଲ୍ମ୍ ଇତିହାସରେ ଏହା ଏକ ଗୁରୁତ୍ତ୍ୱପୂର୍ଣ ମାଇଲ୍ ଖୁଣ୍ଟି । ଏ ସମ୍ପାଦକ ପ୍ରାୟ ଛଅ ବର୍ଷ ଧରି ଭୁବନେଶ୍ୱର ଚଳଚିତ୍ର ସମାଜର ସଦସ୍ୟ ହେଲାଣି ଏବଂ ଏହି କେତେ ବର୍ଷ ଭିତରେ ଗୋଟିଏ ବି ଖରାପ ସିନେମା ସେ ଧରି ପାରି ନାହିଁ ।
ଏ ଥରକର ୨୮ ଅଗଷ୍ଟର ପ୍ରଦର୍ଶନର ପ୍ରଥମ ସିନେମାଟିର ଶୀର୍ଷକ ହେଲା " ଡିଅର୍ ଡାଏରୀ" ( ୯୭ ମିନିଟ୍ )। ଏହା ଇତାଲୀୟ ନିର୍ଦେଶକ ଓ ଅଭିନେତା ନାନ୍ନି ମୋରେତି ଙ୍କର ଦ୍ୱାରା ନିର୍ଦେଶିତ ଏକ ଫିଲ୍ମ୍ ଏସେ । ରାଜନୈତିକ ଶ୍ଲେଷ ଓ ସ୍ମୃତିଚାରଣରେ ଭରା ଏହି ସିନେମାଟି ୧୯୯୪ ମସିହାର କାନ୍ ଆନ୍ତର୍ଜାତୀୟ ସିନେ ଉତ୍ସବରେ ବେଷ୍ଟ୍ ଡିରେକ୍ଟର୍ସ୍ ସମ୍ମାନ ଲାଭ କରିଥିଲା ।
ସମାଜର ୨୮ ଅଗଷ୍ଟର ପ୍ରଦର୍ଶନର ଦ୍ୱିତୀୟ ସିନେମାର ଶୀର୍ଷକ ହେଲା " କିଙ୍ଗ୍ ଡେଭିଲ୍ସ୍ ଆଇଲ୍ୟାଣ୍ଡ୍" (୧୧୫ ମିନିଟ୍)। ନିର୍ଦେଶକ ହେଲେ ମାରିଅସ୍ ହୋଲ୍ସ୍ତ । ନର୍ୱେଜୀୟ ଭାଷାର ଏହି ସିନେମାଟି ନର୍ୱେ ଦେଶର କୁଖ୍ୟାତ ବାସ୍ତ୍ୱେ କରେକ୍ସନ୍ ହୋମ୍ ଉପରେ ପର୍ଯ୍ୟବେଷିତ । ସିନେମାଟି, ଜଣେ ଖୁନି ଦାଗି ଗୋଟିଏ ଅତ୍ୟାଚାରୀ ଅନୁଷ୍ଠାନ ବିରୁଦ୍ଦରେ, ନିଜର ସାଥୀ ମାନଙ୍କ ସହିତ ମିଶି, ସୂତ୍ରପାତ କରିଥିବା ବିପ୍ଲବର ଏକ ମର୍ମସ୍ପର୍ଶୀ ଆଲେଖ୍ୟ ।
ବି.ଦ୍ର. - ପ୍ରଦର୍ଶନ କେବଳ ସଦସ୍ୟ ମାନଙ୍କ ନିମନ୍ତେ । ଆପଣ ଅଗଷ୍ଟ ୨୮ ତାରିଖ ଦିନ ପ୍ରଦର୍ଶନ ସମୟରେ ସଦସ୍ୟତାର ଦେୟ ଦେଇ ଫିଲ୍ମ୍ ସୋସାଇଟି ଅଫ୍ ଭୁବନେଶ୍ୱରର ସଦସ୍ୟ ବନି ପାରିବେ । ବାର୍ଷିକ ସଦସ୍ୟ ଦେୟ ଟ. ୫୦୦ ଛାତ୍ର ମାନଙ୍କ ପାଇଁ, ଓ ଟ. ୮୦୦ ଅଣ ଛାତ୍ର ମାନଙ୍କ ପାଇଁ ।
No comments:
Post a Comment