ମଞ୍ଜା ବରା
ପ୍ରସନ୍ନ କୁମାରୀ ଦେବୀ
 |
| ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍ |
ସାମଗ୍ରୀ
ଚାଖଣ୍ଡେ ଲମ୍ବର ଏକ ଖଣ୍ଡ ସଜ ମୂଳ ମଞ୍ଜା, ଦୁଇ ତିନିଟା କଞ୍ଚା ଲଙ୍କା, ଦୁଇଟା ଆଳୁ, ରସୁଣ ପାଞ୍ଚ ଛଅ କୋଲା, ଅଦା ଖଣ୍ଡେ, ଉଲିପିଆଜ ଏକଟା, ଧନିଆ ପତ୍ର, ତିନି ଚାରି ଚାମଚ ବେସନ, ଆବଶ୍ୟକୀୟ ଲୁଣ ଓ ହଳଦୀ । କୋରା ନଡ଼ିଆ ଥିଲେ ତିନି ଚାରି ଚାମଚ ।
ପ୍ରଣାଳୀ
ମଞ୍ଜାକୁ ଗୋଲ ଗୋଲ କରି କାଟି ସେଥିରୁ କାଟିବା ସମୟରେ ତନ୍ତୁଗୁଡ଼ିକୁ ଆଙ୍ଗୁଠିରେ ଗୁଡ଼ାଇ ବାହାର କରିଦିଅ । ସେଗୁଡ଼ିକୁ ଚୂନେଇ କରି କାଟି ଲୁଣ ହଳଦୀ ପକାଇ ଦଳି ଦିଅ । ଦଳି ସାରିଲା ପରେ ସେଥିରୁ କିଛି ପାଣି ବାହାରିବ । ସେ ପାଣିକୁ ଚିପୁଡ଼ି ଦିଅ ଓ କରେଇରେ ଅଳ୍ପ ସମୟ ଘୋଡ଼େଇ କରି ବାମ୍ଫେଇ ଦିଅ । ଦୁଇଟି ସିଝା ଆଳୁକୁ ଚକଟି ଏଇ ମଞ୍ଜାରେ ମିଶାଅ । ଏଥିରେ ପିଆଜ, ଅଦାକଟା, ନଡ଼ିଆ, ଲଙ୍କା ଖଣ୍ଡ, ଧନିଆଁ ପତ୍ର ଓ ବେସନ ଦେଇ ଭଲ ଭାବେ ଗୋଳାଅ । ଆବଶ୍ୟକ ମନେ କଲେ ସାମାନ୍ୟ ଲୁଣ ଦେଇ ପାର ।
ଏହି ମିଶ୍ରଣକୁ ହାତରେ ବରା ଭଳି ଚତରେଇ ପଲମରେ ତେଲ ଦେଇ ଭଲ ଭାବେ ସେକି, ସେକି ଭାଜି ସାରିଲା ପରେ ପରିବେଷଣ କର ।
No comments:
Post a Comment