ୱ୍ଵେଣ୍ଡି କୋପ୍‌ଙ୍କର କବିତା 'ଫୁଲ'

ଅନୁବାଦକ - ଅବିନାଶ ଦାସଚୌଧିୁରୀ

ଚିତ୍ର - ମର୍ଣ୍ଣିଙ୍ଗ ଗ୍ଲୋରି (ଉନବିଂଶ ଶତାବ୍ଦୀର ପ୍ରାରମ୍ଭରେ ଅଙ୍କିତ)
ଚିତ୍ରକର - ସୁଜୁକି କୀତ୍ସୁ (୧୭୯୬ - ୧୮୫୮)

କିଛି ପୁରୁଷ ସେ ବିଷୟରେ ମନେ କରନ୍ତି ନାହିଁ ।
ତୁମେ କରିଥିଲ । ତୁମେ ଆସିଥିଲ,
ଆଉ ହୁଏତ କିଣି ଦେଇ ଥିଲ ମୋ ପାଇଁ 
ଫୁଲ ।

କିନ୍ତୁ, କିଛି ଗୋଳମାଳ ହୋଇ ଯାଇ ଥିଲା ।
ଦୋକାନ ବନ୍ଦ ଥିଲା । କିମ୍ବା, ତୁମ ମନରେ ଆଶଙ୍କା ଥିଲା -
ଆମ ଭଳିଆ ମନର
କଳ୍ପନା ଯାହା ଆମେ ନିରନ୍ତର ବୁଣୁଥାଉ । ତୁମେ ମନେ କରିଲ,
ମୋତେ ହୁଏତ ତୁମ ଫୁଲ ଭଲ ଲାଗିବ ନାହିଁ । ସେତେବେଳେ,
ହସିଦେଇ ଆଲିଙ୍ଗନ କରିଥିଲି ତୁମକୁ ମୁଁ ସେ କଥାରେ;
ଏବେ, ମୁଁ କେବଳ ହସି ପାରିବି ।

ହେଲେ, ଦେଖ; 

ସେ ଯେଉଁ ଫୁଲ ତୁମେ ପ୍ରାୟତଃ କିଣି ଦେଇ ଥିଲ,
ସେ, ଏ ପର୍ଯ୍ୟନ୍ତ ରହିଛି ।