ଇଲିଶି ଶୁଖୁଆ 

ପ୍ରସନ୍ନ କୁମାରୀ ଦେବୀ

ଇଲିଶି ମାଛର ୧୮୦୪ ମସିହାରେ ଅଙ୍କିତ ଚିତ୍ର (ୱିକିମିଡିଆ କମନ୍ସ୍)

ସାମଗ୍ରୀ: ପାଞ୍ଚ ଛଅ ଖଣ୍ଡ କଟା ଇଲିସି ଶୁଖୁଆ, ତେଲ ଚାରି ଚାମଚ, ରସୁଣ ଛଅ ସାତ କୋଲା, ଦୁଇ ଚାମଚ ଶୋରିଷ, ଗୋଟିଏ କଞ୍ଚା ଲଙ୍କା, ଲେମ୍ବୁର ୧/୮ ଖଣ୍ଡର ରସ ।

ପ୍ରଣାଳୀ: ରସୁଣ, ଶୋରିଷ ଓ କଞ୍ଚା ଲଙ୍କାକୁ ଚିକ୍କଣ କରି ବାଟି ଦିଅନ୍ତୁ । ଶୁଖୁଆକୁ କାତି ଛଡ଼ାଇ ଉଷୁମ ପାଣିରେ ଧୋଇ ଦିଅନ୍ତୁ । ତିନି ଚାରି ଥର ଧୋଇ ଦେଲେ ଏଥିରୁ ଲୁଣ କିଛି ବାହାରି ଯିବ । ତାହା ପରେ ହଳଦୀ ଗୋଳାଇ କରେଇରେ ତେଲ ଦେଇ ଧୀର ଜାଳରେ ଭାଜନ୍ତୁ । ଭଜା ବାଦାମି ରଙ୍ଗ ହୋଇ ଆସିଲେ ସେଗୁଡ଼ିକୁ କାଢ଼ି ବଟା ମସଲା ଗୋଳାଇ ପଲମରେ ଗୋଟି ଗୋଟି କରି ଭାଜନ୍ତୁ । ଏଥିରେ ଲୁଣ ପକାଇବେ ନାହିଁ । ମସଲାରେ ଲେମ୍ବୁ ରସ ପକାଇ ସେଥିରେ ଏଇ ଭଜା ଇଲିଶି ମାଛକୁ ପକାଇ ଦଶ ମିନିଟ ରଖି ତାହା ପରେ ପଲମରେ ଅଳ୍ପ ତେଲ ଦେଇ ଭାଜିବେ । ଗରମ ଥିବା ଅବସ୍ଥାରେ ଖାଇବେ ।