ଗୀତ - 'ରାଜା ଘରେ ଚାକିରି ଖଟି'

କବି - ବୈଷ୍ଣବ ପାଣି

ଜର୍ମାନୀ ଦେଶର ବାମ୍‌ବର୍ଗ ସ୍ଥିତ କାଥିଡ୍ରାଲରେ ଲଙ୍ଗଳ ଉପରେ ପାଦର ଚିହ୍ନ
ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍

ରାଜା ଘରେ ଚାକିରି ଖଟି

ବରଷକେ ଜମା ଦି' ଦିନ ଛୁଟି ।

ପୋଡ଼ିଯାଉ ପୋଷାକ ପିନ୍ଧା

ସେ ଅମୂଲ ଧନ୍ଦା

ମୋଟା ଖଦୀ ସୁଖ ନ ମିଳେ ତହିଁରେ 

ସବୁଦିନ ମନ ହୁଅଇ ଘାଣ୍ଟି ।

ଇସ୍ତଫା କରି ଦାଖଲ

ମୁହିଁ ମୋର ଲାଗିବି ମୂଲ,

ସେ ହୋଇବ ଭଲ ।

ବଇଷ୍ଣବ ଭାଷେ କରି ଚାଷବାସ

ଲଙ୍ଗଳରେ ମୋର ଚିରିବି ମାଟି।

ପୋଡ଼ିଯାଉରେ ଇଙ୍ଗିରାଜୀ ଅମଳ

ହରି ନେଇ ଗଲା ଦେଶୁଁ ଟଙ୍କା ସୁନା

ଦେହରୁ ହରିଲା ଆମର ବଳ ।

ପଇସାର ପାନ ପାଞ୍ଚଟା ଛଅଟା

ଟଙ୍କାରେ ଛ' ସେର ସେର ଅଧେ ଚାଉଳ ।

ବି. ଦ୍ର. - ଏହି ଗୀତଟି ଭାରତ ଜ୍ଞାନବିଜ୍ଞାନ ସମିତି, ଓଡ଼ିଶା, ଭୁବନେଶ୍ୱର ଛପାଇଥିବା ବହି 'ଆମ ଗୀତ ଆମ ମିତ' ବହିର ୨୦୧୫ ମସିହାରେ ପ୍ରକାଶିତ ଦ୍ୱିତୀୟ ସଂସ୍କରଣରୁ  ଆନୀତ । ପୁସ୍ତକଟି ପ୍ରଥମେ ୨୦୦୮ ମସିହାରେ ଛପାଯାଇଥିଲା ।