ଅନ୍ନପୂର୍ଣ୍ଣା ଅନ୍ନ

ସରୋଜିନୀ ଚୌଧୁରୀ

ଅନ୍ନପୂର୍ଣ୍ଣା (ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍)

ଉପକରଣ - ଚାଉଳ ଅଧ ସେର, ପାଣି ସେରେ, ଅନ୍ନପୂର୍ଣ୍ଣା ପତ୍ର ଗୋଟିଏ ।

ପ୍ରଣାଳୀ - ହାଣ୍ଡି ଚୁଲିରେ ଚଢାଇ ପାଣି ଦେଇ ସାଧାରଣ ଭାତରନ୍ଧା ନିୟମରେ ଭାତ ରାନ୍ଧି ଗାଳି ହାଣ୍ଡିର ମୁଖ ଓ ଚାରିଆଡ଼ଟା ପରିଷ୍କାର କରି ଥୋଇ ଅନ୍ନପୂର୍ଣ୍ଣା ପତ୍ରଟି ଧୋଇ ଉକ୍ତ ଭାତ ଭିତରେ ଜାକି ଦେଇ ହାଣ୍ଡି ମୁଖ ଭଲକରି ଘୋଡ଼ାଇ ରଖିବ । ଘଣ୍ଟାକ ପରେ ସରା ଉଠାଇ ପତ୍ରଟି ଭାତ ଭିତରୁ ବାହାର କରିଦେବ । ଭାତ ବାଢ଼ିବାକୁ ଗଲେ ବେଶ ଅନୁଭବ କରିବ ଯେ ଭାତରୁ ଗୋଟିଏ ସୁଗନ୍ଧି ବାହାରୁଅଛି - ଠିକ ସୁଗନ୍ଧି ବାସିବ, ଚାଉଳ ଯେପରି ବାସେ । 

 ବି.ଦ୍ର. - ଅନ୍ନପୂର୍ଣ୍ଣା ଅନ୍ନ ତିଆରିବାର ଏହି ପ୍ରଣାଳୀଟି ସରୋଜିନୀ ଚୌଧୁରୀ (୧୮୮୩-୧୯୫୭)ଙ୍କ ବହି 'ଗୃହିଣୀ ସର୍ବସ୍ୱ'ର ଲାର୍କ ବୁକ୍ସ୍ (ଭୁବନେଶ୍ୱର) ୨୦୦୯ ମସିହାରେ ଛାପିଥିବା ଦ୍ୱିତୀୟ ସଂସ୍କରଣରୁ ନିଆଯାଇଛି ।  ବହିଟିର ପ୍ରଥମ ସଂସ୍କରଣ ୧୯୨୮ ମସିହାରେ ଛପାଯାଇଥିଲା । ସରୋଜିନୀ ଦେବୀ ଜଣେ ସ୍ୱାଧୀନତା ସଙ୍ଗ୍ରାମୀ ଭାବରେ ଜଣାଶୁଣା । ସେ ଫକୀରମୋହନ ସେନାପତିଙ୍କର ସର୍ବକନିଷ୍ଠ କନ୍ୟା ତଥା ଶିଳ୍ପୀ ବିପିନବିହାରୀ ଚୌଧୁରୀଙ୍କର ମାତା ।