ଓଡ଼ିଶାର ଢଗ ଢମାଳୀ ସଙ୍ଗ୍ରହ - ୨

ସଙ୍କଳନ - ସ୍ନେହଲତା ଷଡଙ୍ଗୀ

ଆଙ୍କରୱାଟ ରେ ଅସୁରମାନଙ୍କ ସହାୟତାରେ ସମୁଦ୍ର ମନ୍ଥନର ଚିତ୍ରଣ
ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍

୬

ଯେତେକ ଲଙ୍କାରୁ ଜାତ

ସମସ୍ତେ ଅସୁର ଦଇତ ।

ଅର୍ଥ : ସଂସ୍କାର ବିହୀନ ପରିବାର ସମସ୍ତ ବ୍ୟକ୍ତି ତଥା ସେମାନଙ୍କର ପରବର୍ତ୍ତୀ ବଂଶଧରମାନେ ସଂସ୍କାର ବିନା ପଶୁ ଭଳି ବ୍ୟବହାର କରନ୍ତି ।

୭

ଏକ ରେ ଦୁକୁ ଦୁକୁ,

ଦୁଇ ରେ ମହା ସୁଖୁ,

ତିନି ରେ ମେଳି

ଚାରିରେ କଳି ।

ଅର୍ଥ : ମଣିଷ ଏକୁଟିଆ ଥିବା ସମୟରେ ଦକରେ ଦିନ କାଟେ । ଦୁଇ ଜଣ ହୋଇଗଲେ ଖୁସିରେ ରୁହେ । ମାତ୍ର ତିନି ଜଣ ହେଲେ କେବେ ଏ ଦୁଇ ଜଣ ତ କେବେ ସେ ଦୁଇ ଜଣ ମିଶି ଅପରଟିକୁ ଅଲଗା କରିଦିଅନ୍ତି । କିନ୍ତୁ ଚାରି ଜଣ ହୋଇଗଲେ ସେହି ମେଳି କଳିରେ ପରିଣତ ହୁଏ ।

୮

ଭାଇ ଯେବେ ରାଜା ହୁଏ ଭଉଣୀ ନୁହେଁ ରାଣୀ,

ଅତି ସମୟରେ ଡାକିବେ ରଜାଙ୍କ ଭଉଣୀ ।

ଅର୍ଥ : ମଣିଷ ତାର ଭାଇ ବନ୍ଧୁ କୁଟୁମ୍ବଙ୍କର କୃତିତ୍ୱ ପାଇଁ ଗର୍ବ ଅନୁଭବ କରିବା ଉଚିତ, ମାତ୍ର ତାହା ତାଙ୍କ ନିଜର କୃତିତ୍ୱ ନୁହେଁ । ସେଥି ପ୍ରତି ସଚେତନ ମଧ୍ୟ ରହିବା ଉଚିତ ।

୯

ଯାହାକୁ ରଖିବେ ଅନନ୍ତ

କି କରିପାରେ ବଳବନ୍ତ ।

ଅର୍ଥ : ଯାହାକୁ ଭଗବାନ ରକ୍ଷା କରୁଛନ୍ତି, ତାହାକୁ ସ୍ୱୟଂ ଯମରାଜ ଆସିଲେ ମଧ୍ୟ ତାହାର କୌଣସି କ୍ଷତି କରିପାରିବ ନାହିଁ ।

୧୦

ହରି ମାରେ ରଖେ କିଏ,

ହରି ରଖେ ମାରେ କିଏ ?

ଅର୍ଥ : ସ୍ୱୟଂ ଭଗବାନ ଯାହାକୁ ସହାୟ, ତାହାର ସାଧାରଣ ମଣିଷ କୌଣସି କ୍ଷତି କରିପାରିବ ନାହିଁ । ହେଲେ ଯଦି ଭଗବାନ ସହାୟ ନୁହନ୍ତି ଓ ତାକୁ କହିବି ରକ୍ଷା କରି ପାରିବେ ନାହିଁ । 

(ଏଠାରେ ପ୍ରାକୃତିକ ବିପର୍ଯ୍ୟୟକୁ ମାରେ ହରି ରଖେ କିଏ କୁହାଯାଇଅଛି)