ପୋସ୍ତ ଚଟଣୀ

ସରୋଜିନୀ ଚୌଧୁରୀ

ବାମରେ କାଇମା ଚାଉଳ, ଡାହାଣରେ ବାସୁମତି (ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍)

ଉପକରଣ - ଧଣିଆଗୁଣ୍ଡ, ବାସମତି କି ବାଦସାଭୋଗ ଚାଉଳ ଅଧ ସେରେ, ନିର୍ଜଳ ଦୁଧ ଏକ ସେରେ, ନଡ଼ିଆ ଗୋଟାଏ, ଚିନି ପଚାଶ ଗ୍ରାମ, ତେଜପତ୍ର ଦୁଇଖଣ୍ଡ, କର୍ପୁର ଗୋଟିଏ, ଦୁଇଟି ଗୁଜୁରାତିର ଦାନା ବା ଜାଇଫଳ ଗୁଣ୍ଡି ଅଧ ଚାହା ଚାମଚ, ଗୁଆ ଘିଅ ଏକ ଟେବୁଲ ଚାମଚ ।  

ପ୍ରଣାଳୀ -  ହାଣ୍ଡିକୁ ଚୁଲିରେ ବସାଇ, ଘିଅ ତେଜପତ୍ର ଦେଇ ଦୁଧ ଢାଳି ନିଅ । ଦୁଧ ଗରମ ହୋଇଗଲେ ଚାଉଳ ଧୋଇ ପକାଇବ, ଜାଳ ବେଶୀ ଦେବ ନାହିଁ କି କମ ହେବ ନାହିଁ, ମଝିରେ ମଝିରେ ବେଶ୍ କରି ଘାଣ୍ଟି ଦେଉଥିବ । ସିଦ୍ଧ ହୋଇଗଲେ ନଡ଼ିଆ ଓ ଚିନି ଦେଇ ପୁଣି ଘାଣ୍ଟି ଦେବ, ଦୁଇ ଏକ ଥର ଘାଣ୍ଟି ଦେଖିବ ବେଶ୍ ହୋଇ ଆସିଲା, ଓହ୍ଲାଇ ଦେବ ଓ ତଳେ ଥୋଇ କର୍ପୂର ଏବଂ ମସଲା ଗୁଣ୍ଡି ଦେଇ ଢାଙ୍କି ରଖିବ । 

ଗୁଣାଗୁଣ - ସୁଶ୍ରୁତ ମତରେ ପରମାନ୍ନ - ବିଷ୍ଟମ୍ଭି ଅର୍ଥାତ୍ ବହୁତ ଡେରିରେ ହଜମ ହୁଏ, ବାୟୁ ଓ ମଳମୁତ୍ର ରୋଧକ, ବଳକର, ମେଧା ଓ ଶ୍ଲେଷଜନକ ଏବଂ ଗୁରୁପାକ ।

ବି.ଦ୍ର. - ପରମାନ୍ନ ତିଆରିବାର ଏହି ପ୍ରଣାଳୀଟି ସରୋଜିନୀ ଚୌଧୁରୀ (୧୮୮୩-୧୯୫୭)ଙ୍କ ବହି 'ଗୃହିଣୀ ସର୍ବସ୍ୱ'ର ଲାର୍କ ବୁକ୍ସ୍ (ଭୁବନେଶ୍ୱର) ୨୦୦୯ ମସିହାରେ ଛାପିଥିବା ଦ୍ୱିତୀୟ ସଂସ୍କରଣରୁ ନିଆଯାଇଛି ।  ଏଠାରେ ଦିଆଯାଇଥିବା ପ୍ରଣାଳୀରେ ସରୋଜିନୀ ଚୌଧୁରୀ ଇଙ୍ଗିତ କରିଥିବା ଚିନିର ପରିମାଣଠାରୁ କମ୍ ବ୍ୟବହାର କରାଯାଇଛି । ବହିଟିର ପ୍ରଥମ ସଂସ୍କରଣ ୧୯୨୮ ମସିହାରେ ଛପାଯାଇଥିଲା । ସରୋଜିନୀ ଦେବୀ ଜଣେ ସ୍ୱାଧୀନତା ସଙ୍ଗ୍ରାମୀ ଭାବରେ ଜଣାଶୁଣା । ସେ ଫକୀରମୋହନ ସେନାପତିଙ୍କର ସର୍ବକନିଷ୍ଠ କନ୍ୟା ତଥା ଶିଳ୍ପୀ ବିପିନବିହାରୀ ଚୌଧୁରୀଙ୍କର ମାତା ।