ଗଣତାନ୍ତ୍ରିକ ଅଧିକାର ସୁରକ୍ଷା ସଙ୍ଗଠନ, ଓଡିଶାଙ୍କର ପ୍ରେସ ବିଜ୍ଞପ୍ତି
ତାରିଖ : ୧୧/୧୦/୨୦୧୭
ସ୍ପେନୀୟ ଭାଷାରେ ବୈଶ୍ୱିକ ମାନବ ଅଧିକାର ଘୋଷଣାନାମା ସହ ଏଲିନର ରୁଜଭେଲ୍ଟ ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍ |
ଜାତିସଙ୍ଘ
ଦ୍ଵାରା ସ୍ଥିରୀକୃତ ସାରା ବିଶ୍ୱରେ ଅକ୍ଟୋବର ୧୧ ତାରିଖରେ
ଆନ୍ତର୍ଜାତୀୟ ବାଳିକା ଦିବସ
ବାଳିକାଙ୍କ
ଅଧିକାରର ସୁରକ୍ଷା ଓ ଉପଯୁକ୍ତ
ସମ୍ମାନ ଦେବା ଉପଲକ୍ଷେ ପାଳନ
କରାଯାଉଥିଲା ବେଳେ, ଓଡିଶାର
କୋରାପୁଟ ଜିଲ୍ଲାରେ ନକ୍ସଲ ବିରୋଧୀ
ଅଭିଯାନରେ ସମ୍ପୃକ୍ତ ଚାରି ଜଣ
ସୁରକ୍ଷା ଯବାନମାନଙ୍କ ଦ୍ଵାରା
ଏକ ଆଦିବାସୀ ବାଳିକା ଗଣଧର୍ଷଣ
ହେବା ପରେ ମଧ୍ୟ, ରାଜ୍ୟ ସରକାର
ସମ୍ପୃକ୍ତ ଯବାନମାନଙ୍କୁ ଗିରଫ
ନକରି ତଥା ନିଜର ଦାୟିତ୍ତ୍ୱକୁ ଭୁଲି
ଅନ୍ୟକୁ ଦୋଷ ଦେଉଛନ୍ତି । ସରକାରଙ୍କ
ଏହି ଆଦିବାସୀ ବିରୋଧୀ ମନୋଭାବ
ବିରୁଦ୍ଧରେ, ଯବାନଙ୍କ ଦୁଷ୍କର୍ମ
ଅପରାଧକୁ ଘୋଡାଇବା ଉଦ୍ୟମ ବିପକ୍ଷରେ
ଓ ଉକ୍ତ ବାଳିକାକୁ ଉପଯୁକ୍ତ
ଚିକିତ୍ସା ତଥା ସୁରକ୍ଷା ଦାବୀରେ
ଏକ ଗଣ ବିକ୍ଷୋଭ ଭୁବନେଶ୍ୱରର
ମାଷ୍ଟର କ୍ୟାଣ୍ଟିନ ନିକଟରେ
ଆୟୋଜିତ ହୋଇଥିଲା । ଏଥିରେ
ଅଖିଳ ଭାରତ ଜନମଞ୍ଚ,
ସିପିଆଇ
(ଏମ.ଏଲ.) ଲିବେରେସନ,
ଗଣତାନ୍ତ୍ରିକ
ଅଧିକାର ସୁରକ୍ଷା ସଙ୍ଗଠନ,
ଇନସାଫ, ଏନ.ଏ.ପି.ଏମ. ଇତ୍ୟାଦି ସଙ୍ଗଠନର ସଦସ୍ୟ ତଥା
ବହୁ ମାନବିକ ଅଧିକାର କର୍ମୀ ମାନେ ଯୋଗ
ଦେଇଥିଲେ । ସୁରକ୍ଷା
କର୍ମୀଙ୍କର ନିଲମ୍ବନ ଓ ବାଳିକାର
ପରିବାରଙ୍କୁ ସୁରକ୍ଷା ସାଙ୍ଗକୁ
ୟୁ.ଏ.ପି.ଏ. ଆଇନ ପ୍ରତ୍ୟାହାର ଦାବୀରେ
ଅନୁଷ୍ଠିତ ଏହ ଗଣ ବିକ୍ଷୋଭରେ
ରାଧାକାନ୍ତ ସେଠି,
ମହେନ୍ଦ୍ର
ପରିଡା,
ବିଶ୍ଵପ୍ରିୟ
କାନୁନଗୋ,
ସତୀଶ
ମିଶ୍ର,
ଅମିୟ
ପାଣ୍ଡବ,
ଦେବ
ରଞ୍ଜନ,
ପ୍ରଦୀପ୍ତ
ନାୟକ ସମେତ ବହୁ ମାନବିକ ଅଧିକାର
କର୍ମୀ ଯୋଗ ଦେଇଥିଲେ ।
ଏହା
ପୂର୍ବରୁ ପାଞ୍ଚ ଜଣିଆ ମାନବିକ
ଅଧିକାର କର୍ମୀଙ୍କର ଏକ ଦଳ ରାଜ୍ୟ
ମାନବିକ ଅଧିକାର କମିଶନ,
ଭୁବନେଶ୍ଵରଙ୍କ
ନିକଟରେ ଘଟଣା ସମ୍ପର୍କରେ ଅଭିଯୋଗ
କରିଥିଲେ । ଉକ୍ତ ଅଭିଯୋଗକୁ
ଗ୍ରହଣ କରି କମିଶନ ତୁରନ୍ତ
ଘଟଣାର ସବିଶେଷ ତଦନ୍ତ ଆଇ.ଜି. ଅଫ
ପୋଲିସ, କଟକ
ଓ ଅନୁସୁଚିତ ଜାତି ଓ ଜନଜାତି ଆୟୋଗର କମିଶନର-ସମ୍ପାଦକ ଙ୍କୁ ନିଜେ ଘଟଣାସ୍ଥଳକୁ
ଯାଇ ସାତ ଦିନ ମଧ୍ୟରେ ରିପୋର୍ଟ
ଦେବାକୁ ନିର୍ଦ୍ଦେଶ ଦେଇଛନ୍ତି
। ସେହିପରି ବାଳିକାର
ଚିକିତ୍ସା ଲାଗି ସର୍ବୋତ୍ତମ
ବ୍ୟବସ୍ଥା କରିବା ଓ ଆବଶ୍ୟକ ହେଲେ
ରାଜ୍ୟ ବାହାରକୁ ମଧ୍ୟ ନେବା ଲାଗି
ଜିଲ୍ଲା ମୁଖ୍ୟ ଚିକିତ୍ସାଳୟ
ଅଧିକାରୀ,
କୋରାପୁଟଙ୍କୁ
ନିର୍ଦ୍ଦେଶ ଦେବା ସହିତ, ସ୍ୱାସ୍ଥ୍ୟର
ଅଗ୍ରଗତି ସମ୍ପର୍କରେ ମଧ୍ୟ ସାତଦିନ
ମଧ୍ୟରେ ରିପୋର୍ଟ ଦେବା ପାଇଁ
ନିର୍ଦ୍ଦେଶ ଦେଇଛନ୍ତି ।
ସୁରକ୍ଷା
କର୍ମୀଙ୍କ ଦ୍ଵାରା ଏପରି ନାରାକୀୟ
କାଣ୍ଡ ହେବା ଆଦୌ ନୂଆ ନୁହେଁ ।
ଅତୀତରେ ଯଦି ସରକାର
ଅଥବା କମିଶନ ଘଟଣାକୁ ଗୁରୁତ୍ତ୍ୱର
ସହିତ ନେଇଥାଆନ୍ତେ ତେବେ ଆଜି ଉକ୍ତ
ବାଳିକା ଏଭଳି ଦୁଷ୍କର୍ମର ଶିକାର
ହୋଇନଥାନ୍ତେ । ରାଜ୍ୟ
ସରକାର ଅନ୍ୟ ଉପରେ ଦୋଷ ଲଦିବା
ଛାଡି ଯବାନଙ୍କୁ ଗିରଫ କରିବା ଓ
ମାନବିକ ଅଧିକାର କମିଶନ ଏହାକୁ
ଗୁରୁତ୍ତ୍ୱର ସହିତ ନେଇ ଦାୟୀ ଅଫିସର
ମାନଙ୍କ ବିରୁଦ୍ଧରେ ମଧ୍ୟ
କାର୍ଯ୍ୟାନୁଷ୍ଠାନ ନେବେ ଲାଗି
ଗଣତାନ୍ତ୍ରିକ ଅଧିକାର ସୁରକ୍ଷା
ସଙ୍ଗଠନ ଦାବୀ ଜଣାଉଛି ।
ଦେବ
ରଞ୍ଜନ,
ସାଧାରଣ
ସମ୍ପାଦକ,
ଗଣତାନ୍ତ୍ରିକ ଅଧିକାର ସୁରକ୍ଷା ସଙ୍ଗଠନ, ଓଡିଶା
ବି.ଦ୍ର. - ଏହା ଦେବରଞ୍ଜନ ଯୋଗାଇଥିବା ପ୍ରେସ ବିଜ୍ଞପ୍ତିର ସମ୍ପାଦିତ ଅଂଶ ।
ଗଣତାନ୍ତ୍ରିକ ଅଧିକାର ସୁରକ୍ଷା ସଙ୍ଗଠନ, ଓଡିଶା
ବି.ଦ୍ର. - ଏହା ଦେବରଞ୍ଜନ ଯୋଗାଇଥିବା ପ୍ରେସ ବିଜ୍ଞପ୍ତିର ସମ୍ପାଦିତ ଅଂଶ ।
No comments:
Post a Comment