ଜଗନ୍ନାଥ ଭଜନ - ମଣିମା ଶୁଣିମା ହେଉ 

କବି - ସଦାନନ୍ଦ କବିସୂର୍ଯ୍ୟ ବ୍ରହ୍ମା 

ଗାୟକ - ପ୍ରଣବକିଶୋର ପଟ୍ଟନାୟକ

ସଙ୍ଗୀତ - ବାଳକୃଷ୍ଣ ଦାସ 

ଭଜନର ୟୁଟ୍ୟୁବ୍ ଲିଙ୍କ୍ - https://www.youtube.com/watch?v=fFuzw-lVdsg

ମଣ‌ିମା ଶୁଣିମା ହେଉ ଗରୀବ ଡାକ ।

ନିରକ୍ଷ ଜନକୁ ରଖ ପଙ୍କଜ ମୁଖ ।।

କୃପାସାଗର କାହିଁକି ମୋ ବେଳକୁ ଗଲ ଶୁଖି ।

ଜାଣିଲି ମୋ କର୍ମ ବାଙ୍କ ନୁହେଁ ସଳଖ । ୧।

ଆତଙ୍କ ନାଶନ ବାନା ନ ଶୁଣ ଭୃତ୍ୟ ବେଦନା ।

ଏବେ ହୋଇଯିବ ମନା କେ ଦେବ ଡାକ ।୨।

ଦାସ ଯେବେ ନାଶ ଯିବ କ୍ଷିତିରେ ଅକୀର୍ତ୍ତି ହେବ ।

କୀରତି-ଚନ୍ଦ୍ରରେ ଲାଗିଯିବ କଳଙ୍କ ।୩।

କହେ ସଦାନନ୍ଦ ଛାର ନାହିଁ ଆନ ପ୍ରତିକାର ।

ଏ ଦୀନ ଅବସ୍ଥା ମୋର ନେତ୍ରେ ନ ଦେଖ । ୪।