ଜଗନ୍ନାଥ ଭଜନ - ଜଗନ୍ନାଥ କଲେ ଯା ଅନାଥ 

କବି - ବୀରକେଶରୀ ଦେବ

ଗାୟକ - ବିଜୟ କୁମାର ଜେନା 

ଭଜନର ୟୁଟ୍ୟୁବ୍ ଲିଙ୍କ୍ - https://www.youtube.com/watch?v=Zw3fm6wylRU

ଜଗନ୍ନାଥ କଲେ ଯା ଅନାଥରେ ଆଉ କେ ହରିବ ଦୁଃଖ ।

ଜଗତେ ଏ ପରା ପଡ଼ିଗଲେ ଧରା କି ବୋଲିବେ ପଦ୍ମମୁଖ ।।

ଯୋଗୀ ଅନୁରାଗୀ କହନ୍ତି କି ଲାଗି ଶରଣ ରକ୍ଷଣ ବାନା ।

ଅନ୍ଧକାର ଘୋଟି ଗଲେ ବକ୍ଷ ଫାଟି ନ ଚାହାନ୍ତି ଥରେ ଅନା ।୧।

ସାହା ଚଉବାହା ନୋହିଲେଟି ଯାହା ଦେଖି ମୋ ଜୀବନ ବ୍ୟଥା ।

ଚଉଦିଗ ପୂରି ଯିବଟି ପ୍ରସରି ଲୁଚିବ କାହିଁ ଏ କଥା ।୨।

ଯେହୁ ଅପବାଦ ନ ମଣି ପ୍ରମାଦ ମେଣ୍ଟାଇବ ମନସାଧ ।

ନାହିଁ ପ୍ରତିକାର ହୃଦୟ ମାତର ଲଭୁଥିବ ଅବସାଦ ।୩।

ଗଜପତି ବୋଲେ ପ୍ରଭୁ ଯେବେ ଭଲେ ନ ଶୁଣିବେ ମୋ ଗୁହାରି ।

ପୋଡୁ ମୋ  ନିଶ୍ୱାସ ପୋଡୁ ମୋ ବିଶ୍ୱାସ ବଡ ଦୟାମନ୍ତ ହରି ।୪।