Living in Bhubaneswar
Thursday, March 17, 2016
ଜଗନ୍ନାଥ ଭଜନ - ସବୁରି ସବୁ ଅଛି
କବି - ରଘୁ ଅରକ୍ଷିତ
ଗାୟକ - ଅକ୍ଷୟ ମହାନ୍ତି
ଭଜନର ୟୁଟ୍ୟୁବ୍ ଲିଙ୍କ୍ - https://www.youtube.com/watch?v=9cH1nC5-EFo
ଫଟୋ କ୍ରେଡ଼ିଟ୍ - ୱିକିମିଡ଼ିଆ କମନସ୍
ସବୁରି ସବୁ ଅଛି ମୋହର କେହି ନାହିଁ
ଏକା ମୋ ପ୍ରଭୁ ଜଗନ୍ନାଥ ।
ତୁମ୍ଭରି ନାମ ଧରି ବିଷ ମୁଁ ଭକ୍ଷି ଅଛି
ସେ ମୋତେ ହୋଇଛି ଅମୃତ, ହେ ମହାବାହୁ ।୧।
ବାଲିରେ ପଡ଼ିଥାଇ ନୀଳଚକ୍ରକୁ ଚାହିଁ
ପ୍ରାଣ ମୋ ଶେଷ ହେଉଥାଇ ।
ବାଲିରେ ପଡ଼ିକରି ମାଂସକୁ ମିଳାଇବି
ଚକ୍ର ଉହାଡ଼ି ଥିବ ଧ୍ୟାୟି, ହେ ମହାପ୍ରଭୁ ।୨।
ସାଧୁମାନଙ୍କ ସଙ୍ଗେ ଦିନ ବଞ୍ଚିବି ରଙ୍ଗେ
ତୁମ୍ଭ ଚରଣେ ଚିତ୍ତ ଥାଉ ।
ଛଡ଼ାତୁଳସୀ ମୁଣ୍ଡେ ନିର୍ମାଲ୍ୟ ଥିବ ତୁଣ୍ଡେ
ହା-କୃଷ୍ଣ ବୋଲି ପ୍ରାଣ ଯାଉ, ହେ ମହାପ୍ରଭୁ ।୩।
ବଗଡ଼ା ଅନ୍ନ ସଙ୍ଗେ ବଡ଼ି ମହୁର ରଙ୍ଗେ
ସେବାରେ ପୁରାଇବି ପେଟ ।
କଳାରାହାଟଠାରେ ଦର୍ଶନ କରୁଥିବି
ଛାମୁରେ ଧରି ମୁଁ ଆଲଟ, ହେ ମହାପ୍ରଭୁ ।୪।
ୟେମନ୍ତେ କହୁ ଅଛି ଶୁଣ ହେ ଶିରୀବତ୍ସି
ରୁକୁଣା ଦେବୀଙ୍କର କାନ୍ତ ।
ରଘୁ ଅର୍କ୍ଷିତ ଏହୁ ଭାବରେ ଭଣିଲେ
ଏଥୁ ଉଦ୍ଧର ଜଗନ୍ନାଥ, ହେ ମହାପ୍ରଭୁ ।୫।
No comments:
Post a Comment
Newer Post
Older Post
Home
Subscribe to:
Post Comments (Atom)
No comments:
Post a Comment