ଜଗନ୍ନାଥ ଭଜନ - ପ୍ରଭୁ କି ସୁନ୍ଦର ଦିଶ

କବି - ଆର୍ତ୍ତ ଦାସ 

ଗାୟକ - ଭୁବନେଶ୍ୱରୀ ମିଶ୍ର 

ଭଜନର ୟୁଟ୍ୟୁବ୍ ଲିଙ୍କ୍ - https://www.youtube.com/watch?v=XpAibVE7J6s

ପ୍ରଭୁ କି ସୁନ୍ଦର ଦିଶ ବସି ରତ୍ନ ସିଂହାସନ ।

ପାପୀମାନେ ତରିଗଲେ କରି ତୁମ୍ଭ ଦରଶନ ।।

ଶଙ୍ଖ ଚକ୍ର ଗଦା ପଦ୍ମ ଦେଖି ହୋଇଲି ଆନନ୍ଦ ।

ମସ୍ତକେ ପୂର୍ଣ୍ଣିମା ଚାନ୍ଦ ଦିଶେ କେଡ଼େ ଶୋଭାବନ ।୧।

ମାଳମାନ ଲମ୍ବିଥାଇ ପାଦତଳ ଯାଏଁ ରହି ।

ବାସନାରେ ଚହଟଇ ପ୍ରଭୁ ତୁମ୍ଭ ଅଙ୍ଗମାନ ।୨।

କଟୀତଟେ ପୀତାମ୍ବର ଲମ୍ବିଥାଇ ପାଟ ତୋର ।

ବାଙ୍କ ଚାହାଣି ତୁମ୍ଭର ଅଙ୍ଗେ କର୍ପୂର ଚନ୍ଦନ ।୩।

ସୁବର୍ଣ୍ଣରେ ହସ୍ତ ପାଦ ନ ଶୁଣ ହେ ଭକ୍ତ ଭେଦ ।

ଭାବି କହେ ଆର୍ତ୍ତ ଛାର ଭକ୍ତ ଡାକକୁ ନ ଶୁଣ ।୪।