ଜଗନ୍ନାଥ ଭଜନ - କାହିଁକି ମୋ ଠାରେ ହେଳା 

କବି - ଅଭିରାମ ପରମହଂସ ଦେବ 

ଗାୟକ - ଭିକାରୀ ବଳ

ଭଜନର ୟୁଟ୍ୟୁବ୍ ଲିଙ୍କ୍ - https://www.youtube.com/watch?v=_ZiGdeEI6DE

ଫଟୋ କ୍ରେଡ଼ିଟ୍ - ୱିକିମିଡ଼ିଆ କମନସ୍ 

କାହିଁକି ମୋ ଠାରେ ହେଳା ହେ, ଚକାଡ଼ୋଳା

ଡାକିଲେ ନ ଶୁଣ କିଞ୍ଚିତେ,

ଡାକି ଡାକି ଶୁଖି ଗଲାଣି ଗଳା ହେ ।

ଯେତେ ଡାକିଲି ମୁହିଁ. ଡାକ ଶୁଭିଲା ନାହିଁ ।

ନ ଶୁଣିଲ ନନ୍ଦବଳା !

ହୃଦୟ ଏଡ଼େ ଦାରୁଣ ନ ଶୁଣୁଛ ନାରାୟଣ !

ହୃଦେ ଧରି ବନମାଳା ହେ ।୧।

ହୃଦୟ ଏଡ଼େ ନିଷ୍ଠୁର ନ ଶୁଣ ରଙ୍ଗା ଅଧର 

କେଣେ କର ଖେଳା ଲୀଳା ହେ ।

କହେ ଅଭିରାମ ବାଇ ନ ଶୁଣ ହେ ଭାବଗ୍ରାହୀ

ଭାସି ଯାଉଛି ପାଗଳା ହେ ।୨।