କୌତୁକ-କୋଳାହଳ-ଚମ୍ପୂର 'ଝ'-ଗୀତ 

କବିବର ହନୁମନ୍ତ ନକଲ ନବିସ

ପକ୍ଷୀମାନଙ୍କୁ ଜଗିଥିବା ବିରାଡ଼ି (୧୧୨୦ ଖ୍ରୀଷ‌୍ଟ ପୂର୍ବ, ମିଶର ଦେଶର କଳା)
ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍

ଝଗଡ଼ି ମାତ୍ରେ ହେଲୁ ରେ ଓଲୁ, ଝୁଣ୍ଟି ଝାମା ଗୋଡ଼ ରଗଡ଼ି ଦେଲୁ । 

ଝିଙ୍କାଝିଙ୍କି କରି ନୋହିବ ଫଳ, ଝାଡ଼ା ହୋଇ ହଟି ଯିବଟି ବଳ ।

ଝୁଙ୍କି ଛାଡ଼ି ଏବେ ମୋ ବୋଲ କର, ଝୁଟା କଥାଟାକୁ ମନେ ନ ଧର ।

ଝୋଟରେ ନିଆ ଲାଗିବା ପ୍ରକାର, ଝାଳବୁହା ସିନା ହୋଇବ ସାର ।

ଝାଞ୍ଜରା ମୁହଁକୁ ନାହିଁ କି ଲାଜ, ଝିଟ ପଣ ଏବେ ଝଟତି ତେଜ ।

ଝୁଣା ପଣା ବଳୀ ମନାସ କଲେ, ଝାଡ଼ଖଣ୍ଡି ଦୟା କରିବେ ଭଲେ ।

ଉତ୍ସ - 'ରସଚକ୍ର' ପତ୍ରିକାର ଦ୍ୱିତୀୟ ବର୍ଷ ଟତୁର୍ଥ ସଙ୍ଖ୍ୟା । ଜ୍ୟେଷ୍ଠ ୧୩୪୧ ସାଲ । (ସୃଜନିକା ସୂତ୍ରରୁ ଉପଲବ୍ଧ)