ମାର୍କସ୍ ଅରିଲସ୍
ବିଚାରମାଳା -୮
 |
| ଫଟୋ କ୍ରେଡିଟ୍ - ୱିକିମିଡିଆ କମନସ୍ |
ଆପୋଲୋନିଅସ୍ ମୋତେ ଦୈବାଶ୍ରୟୀ ନ ହୋଇ ନିଜ
ପାଇଁ ନିଷ୍ପତ୍ତି ନିଜେ ନେବାର ଆବଶ୍ୟକତା ବିଷୟରେ ପ୍ରଭାବିତ କଲେ । ସେ ମୋତେ ମୂହୁର୍ତ୍ତେ
ମାତ୍ର ମଧ୍ୟ ଯୁକ୍ତିକୁ ନଜର ଆଢୁଆଳ ନ କରିବା ପାଇଁ ଶିଖାଇଲେ । ସେ ମୋତେ ତୀତିକ୍ଷାର ସହିତ
ଅସହ୍ୟ କଷ୍ଟର ଭାର, ନିଜର ପୁତ୍ରହାନି ଓ ଦୁରାରୋଗ୍ୟ ବ୍ୟାଧିର ବିରକ୍ତିକୁ ସହିବା ମଧ୍ୟ ଶିଖାଇଲେ । ସେ
ନିଜେ ଏହି କଥାର ଜୀବନ୍ତ ପ୍ରମାଣ ଥିଲେ ଯେ, ପ୍ରଚଣ୍ଡ କ୍ରିୟାଶକ୍ତି ଓ ଆରାମ କରିପାରିବାର କ୍ଷମତା, ପରସ୍ପରର ବିରୋଧି
ନୁହଁନ୍ତି । ତାଙ୍କର ବ୍ୟାଖ୍ୟାଗୁଡିକ ସବୁବେଳେ ପ୍ରାଞ୍ଜଳତାର ନମୁନା ଥିଲା । ହେଲେ ଏହା ସ୍ପଷ୍ଟ
ଥିଲା ଯେ ସେ ନିଜର ବ୍ୟାବହାରିକ ଅନୁଭୂତିଗୁଡିକୁ ଓ ଦର୍ଶନଶାସ୍ତ୍ର
ଅଧ୍ୟାପନାର କ୍ଷମତାକୁ, ନିଜର ସବୁଠାରୁ ନ୍ୟୁନତମ ସିଦ୍ଧି ବୋଲି ଭାବୁଥିଲେ । ସେ ହିଁ ମୋତେ, ଆତ୍ମସମ୍ମାନ
ନ ହରାଇ ଓ ହୃଦୟହୀନ ଔଦାସ୍ୟର ବୋଧ ପ୍ରଦାନ ନ କରି, କିପରି ବନ୍ଧୁମାନଙ୍କର କୃତ୍ରିମ
ଅନୁଗ୍ରହଗୁଡିକୁ ଗ୍ରହଣ କରିହୁଏ, ତାହା ଶିଖାଇଥିଲେ ।
No comments:
Post a Comment