ଚାଉଳ ଚୁନାର ରୁଟି
ପ୍ରସନ୍ନ କୁମାରୀ ଦେବୀ
 |
| ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍ |
ସାମଗ୍ରୀ - ଦୁଇ କପ ଅରୁଆ ଚାଉଳର ଗୁଣ୍ଡ, କିଛି ଅଦା ଛେଚା. ଏକ ଚାମଚ ଜୁଆଣି, ଦୁଇ କପ ପାଣି, ଛଅ ଚାମଚ ଘିଅ ଓ ସାମାନ୍ୟ ଲୁଣ ।
ପ୍ରଣାଳୀ - କରେଇରେ ପାଣି ଦେଇ ଲୁଣ ପକାନ୍ତୁ । ଜୁଆଣି ଓ ଅଦା ଛେଚା ପକାଇ ଧୀର ଜାଳରେ ଚୁଲିରେ ବସାନ୍ତୁ । ପାଣି ଫୁଟି ଆସିଲେ ଚାଉଳ ଚୁନା ପକାଇ କିଛି ସମୟ (ଦୁଇ ମିନିଟ) ବସାନ୍ତୁ ଓ ଲୁହା ଖଡ଼ିକାରେ ଜନ୍ତୁଣି ଘାଣ୍ଚି ଚୁଲିରୁ ଓହ୍ଲାଇ ଦିଅନ୍ତୁ । ଜନ୍ତୁଣି ଥଣ୍ଡା ହୋଇଗଲେ ପାଣି ହାତ କରି ବା ଘିଅ ହାତ କରି ଜନ୍ତୁଣିକୁ ଭଲ ଭାବେ ଦଳି ଦିଅନ୍ତୁ । ଏହି ଦଳା ଜନ୍ତୁଣିକୁ ରୁଟି ପରି ଗୁଳା କରି ଚାଉଳ ଚୁନା ଦେଇ ବେଲନ୍ତୁ ।
ତାୱାରେ ଗୋଟି ଗୋଟି କରି ରୁଟି ଭଳି ସେକି ରୁଟି ସେକା ସହାଯ୍ୟରେ ନିଆଁକୁ ଦେଖାଇ ଫୁଲାଇ ଦିଅନ୍ତୁ ଓ ଗୋଟିଏ ପାତ୍ରରେ ଘୋଡ଼ାଇ କରି ରଖନ୍ତୁ । ତାହା ହେଲେ ନରମ ଓ ମୁଲାୟମ ହୋଇ ରହିବ ।
ଏହି ବେଲା ରୁଟିରେ ସେକି ସାରିଲା ପରେ ପରଟା ପରି ଘିଅ ବୁଲାଇ ସେକିଲେ ତାହା ଅଧିକ ସୁସ୍ୱାଦୁ ହୁଏ ।
ଯଦି ଏଇ ଜନ୍ତାକୁ ରୁଟି ଭଳି ଛୋଟଛୋଟ କରି ପୁରି ଭଳି ବେଲି ଘିଅରେ ଛଣାଯାଏ, ତେବେ ଲୁଣି କାକରା ଆହୁରି ବଢ଼ିଆ ଲାଗେ ।
No comments:
Post a Comment