ମହିମା ଭକ୍ତି କବିତା - 'ଭଜ ସ୍ୱାମୀଙ୍କି'
କବି - ଭୀମ ଭୋଇ
କଳାକାର ଜୁ ୱେଇ (୧୫୨୧-୧୫୯୩) |
ଭଜ ସ୍ୱାମୀଙ୍କି, ଚର୍ମ ନୟନରେ ଦେଖି । (ଘୋଷା)
ଶୁଷ୍କତରୁ ପଲ୍ଲବୁଛି, ଫୁଟି ପୁଷ୍ପ ବାସୁଅଛି,
ଚାହିଁଲେ ନେତ୍ରେ ଦିଶୁଛି ଏତେ ଅପ୍ରତେ କାହିଁକି ।୧।
ପାତକ ଭାରା ଛେଦନ, ଉଦୟ ହେଲାଣି ଜ୍ଞାନ,
ଦେଖ ଦେଖ ସର୍ବଜନ ମନକୁ ଥବିରେ ରଖି ।୨।
ମିଛ ମାୟା ଗାଳି ଗର୍ବ, ଛେଦନ ହେଲାଣି ସର୍ବ,
ପଶିଲାଣି ସତ୍ୟଯୁଗ ଆସି ରହିଲାଣି ବାକି ।୩।
ଆଜ୍ଞାରେ ଚାରିଦିଗରେ, ରହିଲାଣି ବଚନରେ,
ପ୍ରଚରି ବ୍ରହ୍ମ କର୍ମରେ ସ୍ୱକାମକୁ ଦୂରେ ଫିଙ୍ଗି ।୪।
ଶ୍ରୀପୟରୁ ସୁଧାପାନ, ପାଇଲେଣି ଭକ୍ତଗଣ
ମନ ବାଞ୍ଛା କରି ପୂର୍ଣ୍ଣ ଲଭିଲେ ସଦଗତିକି ।୫।
ପ୍ରଭୁ ନାମକୁ ନିରୋପି, କହୁଛି ଜଗତେ ଡାକି
ଭଣେ ଭୀମ ଅରକ୍ଷିତ ପିଣ୍ଡ ପରାଣକୁ ବିକି ।୬।
No comments:
Post a Comment