କଖାରୁ ଶାଗ
ପ୍ରସନ୍ନ କୁମାରୀ ଦେବୀ
 |
| ଯୁକ୍ତରାଜ୍ୟ ଆମେରିକାର ଓରେଗନ ପ୍ରଦେଶରେ କଖାରୁ ଚାଷ (ୱିକିମିଡିଆ କମନ୍ସ୍) |
ଆବଶ୍ୟକୀୟ ସାମଗ୍ରୀ: ଏଥି ପାଇଁ ୧୨/୧୪ଟି କଅଁଳ କଖାରୁ ପତ୍ର ଆବଶ୍ୟକ, ୩/୪ ଚାମଚ ଚାଉଳ ଚୁନା ବା ଅଧ କପେ ମୁଢ଼ି ଗୁଣ୍ଡ, ଅଳ୍ପ କଖାରୁ ଓ ଗୋଟିଏ ଜହ୍ନି । ବଘାରିବା ପାଇଁ ତେଲ, କଞ୍ଚା ଲଙ୍କା ଓ କିଛି ସୋରିଷ ।
ପ୍ରଣାଳୀ: କଖାରୁ ପତ୍ରରୁ ସିଅ କାଢ଼ି ଦିଅ । ସେଇ ଶାଗଗୁଡ଼ିକୁ ଭଲ କରି ଧୋଇ ଖୁବ୍ ଚୁନେଇ ଚୁନେଇ କାଟ । କଖାରୁକୁ ମଧ୍ୟ କାଟି ଦିଅ । ଜହ୍ନିରୁ ଚୋପା ଛଡ଼ାଇ କାଟିଦିଅ
ଗୋଟିଏ ଡେକଚିରେ ଦୁଇ କପ ପାଣି ଦେଇ ଆଗ ଶାଗ ଓ ତାହା ଉପରେ ଜହ୍ନି, କଖାରୁ କଟା ଥୋଇ ଲୁଣ ପକାଇ ଘୋଡ଼ାଇ କରି ଧୀର ଜାଳରେ ସିଝାଅ । ଶାଗ ଓ ପରିବା ସିଝିଗଲେ କରଚୂଲୀରେ ସେଗୁଡ଼ିକୁ ଭଲକରି ଘାଣ୍ଟିଦିଅ । ଘାଣ୍ଟିଲା ବେଳେ ମୁଢ଼ି ଗୁଣ୍ଡ ପକାଇ ଘାଣ୍ଟ ଓ ଚୂଲୀରୁ ଓହ୍ଲାଇ ଦିଅ ।
ଅନ୍ୟ ଏକ ପାତ୍ରରେ ତେଲରେ କଞ୍ଚା ଲଙ୍କା, ଶୋରିଷ ଫୁଟାଇ ଶାଗକୁ ବଘାରି ଦିଅ । ଗରମ ଥିବା ବେଳେ ବ୍ୟବହାର କର ।
ଏଥିରେ ରସୁଣ ବଘାରିଲେ ଭଲ ଲାଗେ । ମାତ୍ର ପିଆଜ କେବେ ବଘାରିବ ନାହିଁ ।
ଉତ୍ସ - ଓଡ଼ିଶୀ ରନ୍ଧନ କଳା । ପ୍ରକାଶକ - ଅଗ୍ରଦୂତ (କଟକ) । ପ୍ରଥମ ପ୍ରକାଶ - ୧୯୯୭ । ଦ୍ୱିତୀୟ ପ୍ରକାଶ - ୨୦୧୫ ।
No comments:
Post a Comment