ମାଥିଉଙ୍କର ମଙ୍ଗଳ ସମାଚାର - ୩୦

ପବିତ୍ର ବାଇବେଲର ଓଡ଼ିଆ ଅନୁବାଦ

ମାଥିଉଙ୍କର ମଙ୍ଗଳ ସମାଚାରରେ ପ୍ରାର୍ଥନା (ୱିକିମିଡ଼ିଆ କମନ୍ସ୍)
୧୫୦୦ ମସିହା ଆଖପାଖର ଗ୍ରନ୍ଥ 

ସେ ସମୟରେ ଯୀଶୁ ବିଶ୍ରାମବାରରେ ଶସ୍ୟକ୍ଷେତ୍ର ଦେଇ ଗମନ କଲେ, ଆଉ ତାହାଙ୍କର ଶିଷ୍ୟମାନେ କ୍ଷୁଧିତ ହୋଇ ଶସ୍ୟର ଶି‌ଂଷା ଛିଣ୍ଡାଇ ଖାଇବାକୁ ଲାଗିଲେ । ତାହା ଦେଖି ଫାରୁଶିମାନେ ଯୀଶୁଙ୍କୁ କହିଲେ, ଦେଖ, ବିଶ୍ରାମବାରରେ ଯାହା କରିବା ବିଧେୟ ନୁହେ, ତାହା ତୁମ୍ଭର ଶିଷ୍ୟମାନେ କରୁଅଛନ୍ତି । ସେ ସେମାନଙ୍କୁ କହିଲେ, ଦାଉଦ ଓ ତାଙ୍କର ସଙ୍ଗିମାନେ କ୍ଷୁଧିତ ହେବାବେଳେ ସେ ଯାହା କରିଥିଲେ, ତାହା କି ତୁମ୍ଭେମାନେ ପଢ଼ିନାହଁ । ଅର୍ଥାତ୍ ସେ ପରମେଶ୍ୱରଙ୍କ ଆବାସରେ ପ୍ରବେଶ କରି ଯେଉଁ ଦର୍ଶନରୋଟୀ ଯାଜକଗଣ ଛଡ଼ା ତାଙ୍କର ଓ ତାଙ୍କ ସଙ୍ଗିମାନଙ୍କର ଭୋଜନ କରିବାର ବିଧେୟ ନ ଥିଲା, ତାହା ଭୋଜନ କଲେ । କି ଅବା ବିଶ୍ରାମବାରରେ ଯାଜକମାନେ ମନ୍ଦିର ମଧ୍ୟରେ ବିଶ୍ରାମବାରର ନିୟମ ଲଙ୍ଘନ କରି ନିର୍ଦ୍ଦୋଷ ହୁଅନ୍ତି, ବ୍ୟବସ୍ଥାରେ କି ଏହା ତୁମ୍ଭେମାନେ ପଢ଼ି ନାହଁ । କିନ୍ତୁ ଆମ୍ଭେ ତୁମ୍ଭମାନଙ୍କୁ କହୁଅଛୁଁ, ଏହି ସ୍ଥାନରେ ମନ୍ଦିରଠାରୁ ବଡ଼ ଜଣେ ଅଛନ୍ତି । ପୁଣି "ବଳିଦାନରୁ ଆମ୍ଭେ ଦୟାଳୁ ଭଲ ଜାଣୁ" ଏହି କଥାର ଅର୍ଥ ଯେବେ ଜାଣିଥାନ୍ତ, ତେବେ ନିର୍ଦ୍ଦୋଷ ଲୋକମାନଙ୍କୁ ଦୋଷୀ କରି ନ ଥାନ୍ତ । ଯେହେତୁ ମନୁଷ୍ୟପୁତ୍ର ବିଶ୍ରାମବାରର କର୍ତ୍ତା ଅଟନ୍ତି ।