ଛତୁ ବରା
 |
| ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍ |
ସାମଗ୍ରୀ - ପାଏ ନରମ ପାଳ ଛତୁ, ପଚାଶ ଗ୍ରାମ ବେସନ, ପଚାଶ ଗ୍ରାମ ଉଆପଖିଆ ଚାଉଳ ଚୁନା, କୋଡ଼ିଏ ଗ୍ରାମ ହଳଦୀ, ଗୋଟିଏ ବଡ଼ ପିଆଜ, ପନ୍ଦରଟି ରସୁଣ କୋଲା, ଚାରୋଟି କଞ୍ଚା ଲଙ୍କା, ପାଞ୍ଚ ଗ୍ରାମ ସୋରିଷ, ଦଶ ଗ୍ରାମ ଜୀରା, ଆବଶ୍ୟକୀୟ ତେଲ ତଥା ସୁଆଦ ଅନୁସାରେ ଲୁଣ ।
ପ୍ରଣାଳୀ - ଛତୁର ନାଡ଼ରୁ ଚୋପା ଛଡ଼ାଇ ଦିଅନ୍ତୁ । ପିଆଜ ଓ କଞ୍ଚା ଲଙ୍କା କୁ ଚୁନଚୁନ କରି କାଟନ୍ତୁ । ରସୁଣର ଚୋପା ଛଡାଇ ଦିଅନ୍ତୁ । ଜୀରା, ପିଆଜ, ରସୁଣ ଓ ଲଙ୍କାକୁ ଚିକ୍କଣ କରି ବାଟି ଦିଅନ୍ତୁ । ନଖ ଉଷୁମ ପାଣିରେ ଦଶ ଗ୍ରାମ ହଳଦୀ ପକାନ୍ତୁ । ଏହି ହଳଦି ପାଣିରେ ଛତୁକୁ ଭଲ କରି ଧୋଇ ଦିଅନ୍ତୁ । ଛତୁକୁ ପାଣିରୁ କାଢ଼ି ଚୁପୁଡ଼ି ଦିଅନ୍ତୁ । ତାହା ପରେ ଛତୁଗୁଡ଼ିକୁ ହାତରେ ଛୋଟଛୋଟ ଖଣ୍ଡ କରି ଦଳି ଦିଅନ୍ତୁ । ଏହି ଦଳା ଛତୁରେ ବଟା ମସଲା, ବେସନ ଓ ଚାଉଳ ଚୁନା ପକାଇ ଚକଟି ଦିଅନ୍ତୁ । ଏହି ଚକଟାକୁ ବରା ଭଳି ଛୋଟ ଛୋଟ କରି ଗଢ଼ନ୍ତୁ । ପଲମରେ ତେଲ ଗରମ କରନ୍ତୁ । ତାହା ପରେ ସୋରିଷ ପକାନ୍ତୁ । ସୋରିଷ ଫୁଟିଗଲେ ଅଳପ ଆଞ୍ଚରେ ବରାଗୁଡ଼ିକ ଭାଜିଦିଅନ୍ତୁ ।
No comments:
Post a Comment