ପୋସ୍ତ ଚଟଣି

ସରୋଜିନୀ ଚୌଧୁରୀ

ପୋସ୍ତ ଫଳ (ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍)

ଉପକରଣ - ପଚାଶ ଗ୍ରାମ ପୋସ୍ତ, ପାଞ୍ଚ ଗ୍ରାମ ଗୋଲମରିଚ ଗୁଣ୍ଡ, ପାଞ୍ଚ ଗ୍ରାମ ସୋରିଷ ତେଲ, ସୁଆଦ ଅନୁସାରେ ଲୁଣ ।

ପ୍ରଣାଳୀ -  ପୋସ୍ତ ଧୋଇ ବାଲି ଛାଣିଦିଅନ୍ତୁ । ସମସ୍ତ ବାଲି ବାହାରି ଗଲେ ପାଣି ବାହାର କରି ଦେଇ ପୋସ୍ତ ବାଟିଦିଅନ୍ତୁ । ବଟା ହୋଇଗଲେ, ଖଣ୍ଡିଏ ପରିସ୍କାର କନାରେ ଢିଲା କରି ଝୁଲାଇ ବାନ୍ଧିଦିଅନ୍ତୁ । ଏପରି ବାନ୍ଧିବାର କାରଣ ଏହିକି ଯେ, ପୋସ୍ତ ସିଝି ଫୁଲିବାକୁ ସ୍ଥାନ ପାଇବ । ତତ୍ପରେ ଭାତରେ ପକାନ୍ତୁ ଏବଂ ସିଝିଗଲେ ବାହାର କରିନେଇ ମରିଚ, ତେଲ ଓ ଲୁଣ ଦେଇ ଚଟଣି ପ୍ରସ୍ତୁତ କରି ଛୋଟ ଛୋଟ ଲମ୍ବା ପୋଟଳ ଆକାରରେ ଗଢ଼ିରଖନ୍ତୁ ।

ବି.ଦ୍ର. - ପୋସ୍ତ ଚଟଣି  ତିଆରିବାର ଏହି ପ୍ରଣାଳୀଟି ସରୋଜିନୀ ଚୌଧୁରୀ (୧୮୮୩-୧୯୫୭)ଙ୍କ ବହି 'ଗୃହିଣୀ ସର୍ବସ୍ୱ'ର ଲାର୍କ ବୁକ୍ସ୍ (ଭୁବନେଶ୍ୱର) ୨୦୦୯ ମସିହାରେ ଛାପିଥିବା ଦ୍ୱିତୀୟ ସଂସ୍କରଣରୁ ନିଆଯାଇଛି ।  ଏହି ବହିଟିର ପ୍ରଥମ ସଂସ୍କରଣ ୧୯୨୮ ମସିହାରେ ଛପାଯାଇଥିଲା । ସରୋଜିନୀ ଦେବୀ ଜଣେ ସ୍ୱାଧୀନତା ସଙ୍ଗ୍ରାମୀ ଭାବରେ ଜଣାଶୁଣା । ସେ ଫକୀରମୋହନ ସେନାପତିଙ୍କର ସର୍ବକନିଷ୍ଠ କନ୍ୟା ତଥା ଶିଳ୍ପୀ ବିପିନବିହାରୀ ଚୌଧୁରୀଙ୍କର ମାତା ।