ଓଡ଼ିଶାର ଢଗ ଢମାଳୀ ସଙ୍ଗ୍ରହ - ୧୬

ସଙ୍କଳନ - ସ୍ନେହଲତା ଷଡଙ୍ଗୀ

ଫତୋଗଡ଼ ଗାଁରେ ଦୋଳ ଯାତରା (ଫଟୋ କ୍ରେଡ଼ିଟ୍ - ୱିକିମିଡିଆ କମନ୍ସ୍)

୭୬ 

ଦିଅଁ ଖାଇ ଖଟୁଲି ଖାଇବା ।

ଅର୍ଥ: ନିଜ ଆୟଠାରୁ ବ୍ୟୟ ଅଧିକ କରି ସର୍ବସ୍ୱାନ୍ତ ହୋଇଯିବା ।

୭୭

ଯାହାର ମନ ଯେଡ଼େ

ତାହାର ପ୍ରଭୁ ସେଡ଼େ ।

ଅର୍ଥ: ବ୍ୟକ୍ତି କାହା ପାଇଁ ଶ୍ରଦ୍ଧା ଓ ଭକ୍ତିରେ କିଛି କରିବାକୁ ଚାହୁଁଥିବା ବେଳେ ଉପାୟ ଆପେ ଆପେ ଆସିଯିବା ।

୭୮

ଲେଉଟିଆ ଶାଗ କାଟି ଖାଇବା ।

ଅର୍ଥ: କୌଣସି ଜିନିଷକୁ ଧୀରେ ଧୀରେ ସାରିବା ।

୭୯

କହ୍ନେଇ ପାଇଁ ସିନା ଦୋଳ ଯାତରା ।

ଅର୍ଥ: ପୁଅର ଖୁସି ପାଇଁ ସିନା ମା’ ବାପା ସବୁ କରିବା ପାଇଁ ପ୍ରସ୍ତୁତ ହୁଅନ୍ତି । ଯଦି ସେ ଖୁସି ନୁହଁ ତାହା ହେଲେ ଆଉ କାହା ପାଇଁ ଏ ଆୟୋଜନ ।

୮୦

ଷୋଳ ନଖରୁ ନଖେ ସରିନି,

ପିଲାର ବହପ ଦେଖ ।

ଅର୍ଥ: ଅତି ଛୋଟ ବେଳରୁ ଉତ୍ସୃଙ୍ଖଳ ହୋଇ କଥାବାର୍ତ୍ତା କରିବା ।