ବିଶ୍ୱନାଥ କରଙ୍କ ସଙ୍କଳିତ ବ୍ରହ୍ମ ସଙ୍ଗୀତ - 'ଆସ ଆସ ଭାଇ ବ୍ରହ୍ମ ପ୍ରେମ ନିକେତନେ'
(ଲଳିତ - ଆଡ଼ଠେକା)
 |
| ବ୍ରାହ୍ମସମାଜର ନବ ଦେବାଳୟର ଚିତ୍ର (ୱିକିମିଡିଆ କମନ୍ସ୍) |
ଆସ ଆସ ଭାଇ ବ୍ରହ୍ମ ପ୍ରେମ ନିକେତନେ,
ପୂଜିବା ଆନନ୍ଦେ ମିଳି ପ୍ରେମମୟ ଶ୍ରୀଚରଣେ ।
କ୍ଷୁଦ୍ର ନୀଚ ଅହଙ୍କାର, ହିଂସା କ୍ରୋଧାଦି ବିକାର,
କୁଟିଳ ସ୍ୱାର୍ଥ ବିଚାର ନ ରହୁ କାହାର ମନେ ।
କ୍ଷମା ସିନ୍ଧୁ ହରି ନିଜେ ହୃଦୟେ କରନ୍ତୁ ବିଜେ,
ବିକାଶନ୍ତୁ କ୍ଷମା-ବୀଜେ ସନ୍ତାନ ହୃଦ-କାନନେ ।
ବ୍ରହ୍ମସତ୍ୟର ବାରତା ବ୍ରହ୍ମପ୍ରେମଗଭୀରତା
ସେ ପ୍ରେମର ଉଦାରତା ହେଜ ଭାଇ ହେଜ କ୍ଷଣେ ।
ପ୍ରେମମହିମା ସୁମରି ଆସ ଭାଇ ଆଶା କରି
ମିଳାଇବେ ନିଜେ ହରି ମହାପ୍ରେମର ମିଳନେ ।
No comments:
Post a Comment