ରମାକାନ୍ତ ସାମନ୍ତରାୟଙ୍କର ଦୁଇଟି ବହି କଭର୍ 

କଳାକାର ଓ ଲେଖକ ରମାକାନ୍ତ ସାମନ୍ତରାୟ

ଓଡିଶାରେ ତଥାକଥିତ ବ୍ୟବସାୟିକ କଳାର ଆଲୋଚନ। ପ୍ରାୟ ନାହିଁ କହିଲେ ଚଳେ । ଆଜିକାଲି ଯାହା ପାଖରେ କମ୍ପ୍ୟୁଟର ଖଣ୍ଡିଏ ଅଛି, ସେ ଜଣେ କଭର୍  ଓ ଡିଜାଇନ ଆର୍ଟିଷ୍ଟ୍ । ଏହି କୋଳାହଳରେ ଭଲ କାମ କୁଆଡ଼େ ଯେ ହଜି ଯାାଉଛି ତାହାର ଠିକଣା ନାହିଁ । ଏଣୁ ଏଠାରେ ଆମେ ଆମ ସମକାଳର ଶ୍ରଦ୍ଧେୟ ଓ ସିଦ୍ଧହସ୍ତ ଲେଖକ ଓ କଳାକାର ରମାକାନ୍ତ ସାମନ୍ତରାୟଙ୍କର ଦୁଇଟି ବହି କଭରର ଉଦାହରଣ ମାତ୍ର ଦେଉଛୁ। 

ଡକ୍ଟର ସାମନ୍ତରାୟ ଓଡ଼ିଆ  ଭାଷା ସାହିତ୍ୟରେ ଉପାଦ୍ଧ୍ୟୁତ୍ତର ଶିକ୍ଷା ପରେ ଓଡ଼ିଆ ସାହିତ୍ୟ ଓ କଳା ଜଗତରେ ନିଜର ଏକ ନିଆରା ପରିଚୟ ସୃଷ୍ଟି କରିଅଛନ୍ତି । ତାଙ୍କର ଟିତ୍ରଗୁଡ଼ିକ ଦିଲ୍ଲୀ, ବରୋଦା ଓ ଭୁବନେଶ୍ୱରର ଅନେକ ଗ୍ୟାଲେରୀରେ ପ୍ରଦର୍ଶିତ ହୋଇଅଛି । ସେ ସମସାମୟିକ ଓଡ଼ିଆ ସାହିତ୍ୟ  ପରିପ୍ରେକ୍ଷୀରେ ଜଣେ ଲୋକପ୍ରିୟ ତଥା ଚର୍ଚ୍ଚିତ କଥାକାର ଓ କବି । 

ଉପରେ ଦିଆଯାଇଥିବା କଭର୍‌ଟି ସାମନ୍ତରାୟ, କବି ଭାରତ ମାଝୀଙ୍କର କବିତା ସଙ୍କଳନ ମୂର୍ତ୍ତିକାର  ପାଇଁ କରିଥିଲେ । ବହିଟିର ପ୍ରଥମ ସଂସ୍କରଣ ଭୁବନେଶ୍ୱରର ପ୍ରକାଶନ ସଂସ୍ଥା 'ପେନ୍ ଇନ୍'ଙ୍କ ଦ୍ୱାରା ୨୦୦୭ ମସିହାରେ ପ୍ରକାଶିତ । କଭର୍‌ଟି ଜଣେ ସମସାମୟିକ ପାକିସ୍ଥାନୀ କଳାକାରଙ୍କର ଚିତ୍ର ଉପରେ ଆଧାରିତ ।

ଏହି କଭର୍‌ଟି କବି ଭାରତ ମାଝୀଙ୍କର କବିତା ସଙ୍କଳନ ମାର୍ଫତ୍ ଫୁଟପାଥ୍  ଶୀର୍ଷକ ବହିର । ପୁସ୍ତକଟିର ପ୍ରଥମ ସଂସ୍କରଣ ଭୁବନେଶ୍ୱରସ୍ଥ ପ୍ରକାଶକ 'ପକ୍ଷୀଘର ପ୍ରକାଶନୀ'ଙ୍କ ଦ୍ୱାରା ୨୦୧୪ ସାଲରେ ଛପାଯାଇଥିଲା । ଓଡ଼ିଆ ଅକ୍ଷରକୁ ବ୍ୟବହାର କରି ସାମନ୍ତରାୟଙ୍କ ଦ୍ୱାରା ଅଙ୍କିତ ଏକ ଚିତ୍ରମାଳାରୁ ଗୋଟିଏ ଚିତ୍ରକୁ ମୂଖ୍ୟତଃ ନେଇ ପ୍ରଚ୍ଛଦଟିକୁ ପ୍ରସ୍ତୁତ କରାଯାଇଅଛି ।