କବି ଗୋରେଖ ଦାସ କୃତ ପ୍ରାଚୀନ ଭଜନ 'ମନ ଭ୍ରମରାରେ'
ଗାୟକ - ବାଳକୃଷ୍ଣ ଦାସ
 |
| ଫଟୋ କ୍ରେଡ଼ିଟ - ଶୈଲେନ ରାଉତରାୟ |
ମନ ଭ୍ରମରାରେ ଏ ଫୁଲରେ ନାହିଁ ବାସ ।
କାହିଁ ପାଇଁ ତୁହି ବାଇ ହୋଇ ଅଛୁ, ତହିଁ ପାଇବୁକି ଯଶ ।।
ପର୍ବତ ଶିଖରେ ପଦ୍ମ ଫୁଟିଅଛି, ଲେଉଟି ରହିଛି ପୁଷ୍ପ ।
ଯେବେତୁ ପାଇବୁ ସେ ଠାବକୁ ଯିବୁ ନିଶ୍ଚିନ୍ତେ ହୋଇବୁ ତୋଷ ।।
ସେଠାରୁ ତ୍ରିବେଣୀ ବହୁଛି ଉଜାଣି, ତହିଁରେ ଖେଳୁଛି ହଂସ ।
ଅମୁହାଁ ଦେଉଳେ ଘଣ୍ଟା ବାଜୁଅଛି, ନାହିଁ ରଜନୀ ଦିବସ ।।
ଅଣସୂତ୍ର ମାଳା ବାମ କରେ ଧରି ଭଜୁ ଅଛନ୍ତି ମହେଶ ।
ମାଳା ଛିଡିଗଲେ ଭେଳା ବୁଡିଯିବ, ଭଣଇ ଗୋରେଖ ଦାସ ।।
No comments:
Post a Comment