ଚର୍ଯ୍ୟାଗୀତିକା: ଆଦ୍ୟସ୍ୱର ୭ - ଭୁସୁକୁ
ଅନୁସୃଜନ - ଜ୍ୟୋତି ନନ୍ଦ
ଚିତ୍ରକର - ସୁଜୁକି ହାରୁନୋବୁ (୧୭୨୫-୧୭୭୦) ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍ |
ଏବେ କାହାକୁ ଧରି କାହାକୁ ଦେବି ଛାଡ଼ି
ମୋ ଚାରିପଟେ ପଡ଼ଇ ହାକା ହାକା ରଡ଼ି ।
ମାଉଁସ ପାଇଁ ସିଏ ହେଲା ନିଜ ବଇରି
ମିରିଗକୁ ଛାଡ଼ିଦେବ କେଉଁଠି ଶିକାରୀ ।
ହରିଣ ଯେ, ଖାଏନା ଘାସ ପିଏନା ପାଣି,
ଜାଣେନା କେଉଁଠି ଅଛି ତା' ହରିଣ ରାଣୀ ।
ଏ ବଣ ଛାଡ଼ି ଚାଲି ଯା' ଦୂର ଦୂରାନ୍ତରେ
ଭ୍ରାନ୍ତ ତୁହି ଦେଖିବୁନି କେବେ କେଉଁଠାରେ ।
ଛୁଟନ୍ତ ସେଇ ହରିଣ ଯିବ ନାହିଁ ଦେଖା,
ଭୁସୁକୁର ଏ ପାଠ ନ ବୁଝେ ମୂଢ଼ ସଖା ।
No comments:
Post a Comment