ଚର୍ଯ୍ୟାଗୀତିକା: ଆଦ୍ୟସ୍ୱର ୬ - ଚଟିଳ
ଅନୁସୃଜନ - ଜ୍ୟୋତି ନନ୍ଦ
ଇନ୍କା ସାମ୍ରାଜ୍ୟର ପୋଲରକ୍ଷକ (୧୬୧୩ ମସିହାରେ ଅଙ୍କିତ) ଚିତ୍ରକର - ଫିଲିପ୍ ଗୁଅମାନ୍ ପୋମା ଦି ଆଏଲା ଫଟୋ କ୍ରେଡ଼ିଟ୍ - ୱିକିମିଡିଆ କମନ୍ସ୍ |
ବେଗେ ବହେ ଭବନଦୀ ଗହନ ଗମ୍ଭୀର,
ମଧ୍ୟେ ଜଳ ଦୁଇ ପାର୍ଶ୍ୱେ ପଙ୍କିଳ ପ୍ରାନ୍ତର ।
ଧର୍ମ ଅର୍ଥେ ଚଟିଳ ସେ ନିର୍ମାଣିଲା ବନ୍ଧ,
ପାରଗାମୀ ମାନବର ପୂର୍ଣ୍ଣ ମନ ସାଧ ।
ଅଦ୍ୱୟ କୁଠାରେ ଚିରି ମୋହତରୁ ତା'ର,
କାଠଖଣ୍ଡ ଯୋଡ଼ିଯୋଡ଼ି ବନ୍ଧଟି ତିଆର ।
ଦେଖ ନାହିଁ ବାମ ଅବା ଦକ୍ଷିଣ ଦିଗର,
ଯେତେ ଯିଏ ବନ୍ଧ ପରେ ହୋଇଛ ସବାର ।
କେତେ ଦୂରେ ଅଛି ବୋଧୀ ଜାଣିବା ବିଷମ,
ନିକଟେ ରହିଣ ସୃଜେ କେବଳ ବିଭ୍ରମ ।
କିପରି ସେପାଖ ଯିବ ପଚାରୁଛ ଯଦି,
ଗୁରୁ ଚଟିଳ ନୀରବ ରହିଛି ଅବଧି ।
No comments:
Post a Comment