ଚର୍ଯ୍ୟାଗୀତିକା: ଆଦ୍ୟସ୍ୱର ୪ - କୁକ୍କୁରୀ
ଅନୁସୃଜନ - ଜ୍ୟୋତି ନନ୍ଦ
 |
| ବୌଦ୍ଧମତ ଅନୁସାରେ ପ୍ରାଣସଞ୍ଚାରଠାରୁ ଜନ୍ମ ପର୍ଯ୍ୟନ୍ତ ପ୍ରକ୍ରିୟା ଚିତ୍ରକର - ସାଙ୍ଗ୍ୟେ ଗିଆତ୍ସୋ (୧୬୫୩-୧୭୦୫: ପଞ୍ଚମ ଦଲାଇାମାଙ୍କର ପ୍ରତିଶାସକ) ଫଟୋ କ୍ରେଡ଼ିଟ୍ - ୱିକିମିଡିଆ କମନ୍ସ୍ |
ସ୍ୱାମୀ କ୍ଷପଣକ, ହାୟ, ହୋଇଲି ନିରାଶ,
ବେଦନା ବର୍ଣ୍ଣିବ ଭାଷା ନାହିଁ କେହି ପାଶ ।
ପ୍ରସବିଲି ଆଗୋ ମାତା ଅନ୍ତୁଡ଼ି ଜଳିନି,
ନାହିଁ ନାହିଁ କିଛି ନାହିଁ ଯାହା ମୁଁ ଚାହିଁନି ।
ପ୍ରଥମ ଗର୍ଭରେ ସେ ମୋ ବାସନାର ଧନ,
ନାଡ଼ି ବିଚାରରେ ଦେଖ ହେଲା ବାୟୁହୀନ ।
ମୋର ନବ ଯଉବନ ସମସ୍ତ ପୂରଣ,
ବାପର ସଂହାର, ଗର୍ଭ ଗଲା, ସୁନ୍ଦର ଜୀବନ ।
କୁକ୍କୁରୀ ପାଦ ବଖାଣେ ଏଇ ଭବ ସ୍ଥିର,
କଥାଟିକୁ ବୁଝିବାରେ ରହି ଥାଏ ବୀର ।
No comments:
Post a Comment