ଚର୍ଯ୍ୟାଗୀତିକା: ଆଦ୍ୟସ୍ୱର ୫ - ଗୁଣ୍ଡୁରୀ

ଅନୁସୃଜନ - ଜ୍ୟୋତି ନନ୍ଦ

ଗର୍ଭାଶନର ଦୃଶ୍ୟ (ୱିକିମିଡିଆ କମନ୍ସ୍)
ଫାର୍ସୀ ଭାଷାର ଗ୍ରନ୍ଥ ବହର୍-ଅଲ୍-ହାୟତ୍ (୧୬୦୨ ମସିହା) 

ପରଶ ଟିକିଏ ଦେ ଲୋ ଯୋଗୀନୀ ପରଶ ଟିକିଏ ଦେ,

ଯେ ଗୁହାଗହୀରେ ମାନବଜନମ ଛିଟାଏ ଛୁଆଁଇ ଦେ ।

ଅଙ୍କମାଳୀ ମୋର ନିରାଶ ନ କର ବଜ୍ର ରମୁ ପଦ୍ମ ଦିନ,

କମଳ ରସର ଦେହ ଆଉ ମୁହଁ କରୁଥିବି ସଦା ପାନ ।

କ୍ରୋଧ ମୋ ବିଷମ ଅଟଇ ଯୋଗୀନୀ କେଶବତୀ କନ୍ୟା ମୋର

ମଣିମୂଳଠାରୁ ଉର୍ଦ୍ଧ୍ୱଉଡ଼ାଣରେ ଅବଶ୍ୟ ଯାତ୍ରା ଏଥର ।

ତାଲାଚାବି ଦେଇ ଶାଶୁକୁ ରଖିଛି ସୂର୍ଯ୍ୟ ଚନ୍ଦ୍ର କଣ୍ଟା ଦୁଇ,

ଗୁଣ୍ଡୁରୀ ବଖାଣେ ସୁରତିର ହେତୁ ଯାଏ କାମକେତୁ ଧରି ।