ଓଡ଼ିଆ ଯୁଦ୍ଧବିରୋଧୀ କବିତା - 'ମୁଁ ଯେ ବିଦ୍ରୋହୀ'
ଜାତୀୟ କବି ବିରକିଶୋର ଦାସ (୧୮୯୨ - ୧୯୫୪)
ମାୟା ଭିତ୍ତିଚିତ୍ର ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍ |
ମୁଁ ଯେ ବିଦ୍ରୋହୀ ଚିର ବିଦ୍ରୋହୀ
ଚିର ରଣଜୟୀ ରଣବିଦ୍ରୋହୀ
ରଣ ମାନବ ରଣ ଦାନବ
ରଣ ରକ୍ତ ମୁଖରୁ ମୁକ୍ତ କରିବି ମୋର ମହୀ ।୧।
ତୋପ ବନ୍ଧୁକ ଯେତେ ହରିବି
ବିଷ-କନ୍ଦୁକ ଯେତେ ଚୂରିବି,
ରଣ ଅସ୍ତ୍ର ଯେତେ ମୁଁ ଭାଙ୍ଗିଭୁଙ୍ଗି ଦେଇ
ଗଢ଼ିବି ଲଙ୍ଗଳ, ମଇ ।୨।
ଶ୍ରମ ସିଞ୍ଚିତ ଧନ କିଞ୍ଚିତ
କେବେ କରାଇ ନ ଦେବି ବଞ୍ଚିତ
ଏ ଲୁଣ୍ଠନ ଚିନ୍ତା ଦରବାର ଲାଗି
ଗୁଣ୍ଠେ ନ ଦେବି କାହିଁ ।୩।
ନର ହତ୍ୟାରେ ନର ଗୌରବ
ନର ବନ୍ଧନେ ନର ବୈଭବ
ଗୌରବ ପ୍ରଥା ରଖିବି ନାହିଁ ମୁଁ
ଦେଇ ବୀରତ୍ୱର ଦ୍ୱାହି ।୪।
ଯୁଗ ଅତ୍ୟାଚାର ମୁଁ ଦଳିବି
ସତ ଶାନ୍ତି ପତାକା ମୁୂଁ ତୋଳିବି,
ମୃତ୍ୟୁ ଆସନ ଟଳମଳ ହେବ
ହେବି ମୁଁ ଜଗତଜୟୀ ।୫।
No comments:
Post a Comment