ଭଜନ - 'ରଥ ଯାତରା'
ଭଜନକାର - ସିଲୁ ରାଉତ
ଜଗା ଜଗା ବୋଲି ଯାହାକୁ ଖୋଜୁଚୁ ଦାରୁରେ ମିଳିବେ କାହିଁ ।
ଚେତନ ବସ୍ତୁକୁ ଜଡ଼ରେ ଖୋଜିଲେ
ପାଇବୁ କି ମୁଢ଼ ତହିଁ ।୦।
ଦେହ ତୋ'ର ଅଟେ ନନ୍ଦିଘୋଷ ରଥ,
ପଞ୍ଚେନ୍ଦ୍ରିୟ ତା'ର ଘୋଡ଼ା ।
ବୁଦ୍ଧି ତୋ' ସାରଥୀ, କଉଶଳ କରି,
ମନର ଲଗାମ ଚଢ଼ା ।୧।
ନିଜେ ରଥସ୍ୱାମୀ, ଅସାଧନା
ମାର୍ଗ ଅଟଇ ତୋ' ବଡ଼ଦାଣ୍ଡ ।
ନିରତେ ଭଜିଲେ ଦରଶନ ହେବ ପିଣ୍ଡ
ଭିତରେ ବ୍ରହ୍ମାଣ୍ଡ ।୨।
ତୁହି ରଥ ତୁହି ପଥ, ତୁହି ନଦୀ
ନଉକା ବି ଅଟୁ ତୁହି ।
ଏତିକି ଜାଣିଲେ ସଂସାରୁ ତରିବୁ,
ସିଲୁ ରାଉତ ଯେ କହି ।୩।
No comments:
Post a Comment