ଭଜନ - ବୃନ୍ଦାବନେ ବଂଶୀ କେ ବଜାଇଲା 

କବି - ସାଲବେଗ 

ଗାୟକ - ସିକନ୍ଦର ଆଲମ୍ 

ଭଜନର ୟ୍ୟୁଟ୍ୟୁବ୍ ଲିଙ୍କ୍ - https://www.youtube.com/watch?v=b0ILytHeTSE

ଫଟୋ କ୍ରେଡ଼ିଟ୍ - ୱିକିମିଡ଼ିଆ କମନସ୍ 

ବୃନ୍ଦାବନେ ବଂଶୀ କେ ବଜାଇଲା, ଗୋ ମିତ !

ଅଚଳିତ ଦେହ ଆମ୍ଭର ହୋଇଲା ।

ପାଷାଣ ହୋଇଲା ପାଣି ଯମୁନା ବହେ ଉଜାଣି

ପବନ ଥକିତ ହୋଇ ରହିଲା । 

ଶୁଷ୍କ ତରୁମାନେ ଥିଲେ ଧ୍ୱନି ଶୁଣି ପଲ୍ଲବିଲେ 

ବ୍ୟାଘ୍ର ପଛେ କୁରଙ୍ଗି ଗୋଡ଼ାଇଲା, ଗୋ ମିତ । ୧।

ମୁନିଙ୍କ ଆସନ ଢଳି ରସ ନ ପଡ଼ିଲା ଗଳି 

ଝରଝର ମକରନ୍ଦ ବହିଲା ।

ଶୂନ୍ୟେ ବାଜେ କ୍ଷୁଦ୍ର ଘଣ୍ଟି  ନୀବିବନ୍ଧ ଗଲା ଫିଟି 

ବସନ ପିନ୍ଧିତେ ତର ନୋହିଲା, ଗୋ ମିତ ।୨।

ପୁଷ୍ପ ଚୁମ୍ବିଲେ ଭ୍ରମର ନିଶ୍ଚଳ କରି ମନ୍ଦିର 

ଧେନୁ ମୁଖେ ତୃଣ ଚାପି ରହିଲା ।

ବାଉଁଶ ଖଣ୍ଡିଏ ବାଛି କାହିଁ ସେ ସଜାଡ଼ି ଅଛି 

ଏକାଇ ରାଧା ରାଧା ରାଇଲା, ଗୋ ମିତ । ୩।

 କହେ ସାଲବେଗ ହୀନ ଜାତିରେ ମୁଁ ଯବନ 

କୃଷ୍ଣଚରଣେ ଚିତ୍ତ ରହିଲା ଗୋ ମିତ । ୪।