ପାରମ୍ପରିକ ଭଜନ - 'କଳାକାହ୍ନୁ କୁହୁକ ଜାଣେ'
ଗାୟକ - ନିମାଇଚରଣ ହରିଚନ୍ଦନ
 |
ଅଷ୍ଟାଦଶ ଶତାବ୍ଦୀର ଗୀତଗୋବିନ୍ଦ ପୋଥି
ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍ |
କଳା କାହ୍ନୁ କୁହୁକ ଜାଣେ,
ଯେଣିକି ଚାହିଁଲେ ଦିଶଇ,
ଆଗୋ ଯେଣିକି ଚାହିଁଲେ ଦିଶଇ ତେଣେ ।
କଳା କାହ୍ନୁ କୁହୁକ ଜାଣେ ।
ତରଳ ନୟନ କେଡ଼େ ବିଷାୟନ,
ସାୟକ ସାଜଇ ବାମ ଡାହାଣେ,
ତରଳ ନୟନ କେଡ଼େ ବିଷାୟନ,
ସାୟକ ସାଜଇ ବାମ ଡାହାଣେ,
ହାସ୍ୟ ତରବାରୀ, ତା' ନେତ୍ର କଟାରି,
ହାସ୍ୟ ତରବାରୀ, ତା' ନେତ୍ର କଟାରି,
ବାହାରେ ଲୁଚାଇ ଭିତରେ,
ଆଗୋ ବାହାରେ ଲୁଚାଇ ଭିତରେ ହାଣେ ।
କଳା କାହ୍ନୁ କୁହୁକ ଜାଣେ,
ଯେଣିକି ଚାହିଁଲେ ଦିଶଇ,
ଆଗୋ ଯେଣିକି ଚାହିଁଲେ ଦିଶଇ ତେଣେ ।
କଳା କାହ୍ନୁ କୁହୁକ ଜାଣେ,
କଳା କାହ୍ନୁ କୁହୁକ ଜାଣେ ।
କଳା ବିଜୁଳିଆ, କାଇଁଚ ମାଳିଆ,
ନାହିଁ ଅଭିରାମ ସଙ୍ଗେକେ ଜଣେ ।
କଳା ବିଜୁଳିଆ, କାଇଁଚ ମାଳିଆ,
ନାହିଁ ଅଭିରାମ ସଙ୍ଗେକେ ଜଣେ ।
ଧନ୍ୟ ତା' ଚାତୁରୀ ପ୍ରଖର କତୁରି,
ଧନ୍ୟ ତା' ଚାତୁରୀ ପ୍ରଖର କତୁରି,
ଦାଢ଼ରୁ ବରତି ଯିବକେ,
ଆଗୋ ଦାଢ଼ରୁ ବରତି ଯିବକେ ଜଣେ ।
କଳା କାହ୍ନୁ କୁହୁକ ଜାଣେ,
କଳା କାହ୍ନୁ କୁହୁକ ଜାଣେ,
କଳା କାହ୍ନୁ କୁହୁକ ଜାଣେ ।
ବେଣୁଗୀତ ଗାଇ ମୋହନ ଲଗାଇ
କାନ୍ତ କୋଳୁ କାନ୍ତା ଉଠାଇ ଆଣେ ।
ବେଣୁଗୀତ ଗାଇ ମୋହନ ଲଗାଇ
କାନ୍ତ କୋଳୁ କାନ୍ତା ଉଠାଇ ଆଣେ ।
ବୋଲେ ଦୁର୍ଜଜେମା ଦେଖିତା ଭଙ୍ଗିମା,
ବୋଲେ ଦୁର୍ଜଜେମା ଦେଖିତା ଭଙ୍ଗିମା,
କାଳଯାକ ଥିବି ସେବକି,
ଆଗୋ କାଳଯାକ ଥିବି ସେବକି ପଣେ ।
କଳା କାହ୍ନୁ କୁହୁକ ଜାଣେ,
କଳା କାହ୍ନୁ କୁହୁକ ଜାଣେ ।
ବି.ଦ୍ର. - ଭଜନର ପଦଗୁଡ଼ିକ ନିମାଇ ହରିଚନ୍ଦନ ଗାଇଥିବା ଥାକ ଅନୁସାରେ ଦିଆଯାଇଛି ।
