ବନମାଳୀ ଦାସ କୃତ ଭଜନ - ଜଗବନ୍ଧୁ ହେ ତୁମ୍ଭେ ପତିତପାବନ

ଗାୟକ - ବାଳକୃଷ୍ଣ ଦାସ

ଗୀତର ୟୁଟ୍ୟୁବ୍ ଲିଙ୍କ୍ -  https://www.youtube.com/watch?v=VRCqGfXhFCA

କାଠମାଂଡ଼ୁର ଏକ ଜଗନ୍ନାଥ ମନ୍ଦିର (ୱିକିମିଡିଆ କମନ୍ସ୍)

ଜଗବନ୍ଧୁ ହେ ! ତୁମ୍ଭେ ପତିତପାବନ, ଜାଣି ସ୍ଥିର ଥିଲା ମନ ।

ମୋହ ନଷ୍ଟ ଟିତ୍ତେ ଚିନ୍ତି କମ୍ପେ ଅପଘନ ।ଘୋଷା ।

ସଙ୍କେତରେ ତୁମ୍ଭ ନାମ କହି ନାହିଁ ଦିନେ ।

ଶୁଣି ନାହିଁ ଶ୍ରଦ୍ଧା ବହି ତୁମ୍ଭ କଥା କାନେ ।୧।

ନ ଦେଖଇ ଆପଣଙ୍କ ଶ୍ରୀମୂର୍ତ୍ତି ପ୍ରୀତିରେ ।

ନ ବସଇ କ୍ଷଣେ ସାଧୁବୃନ୍ଦ ସଙ୍ଗତରେ ।୨।

ପାତକ ଅର୍ଜନେ ମୁହିଁ ଅଟେ ଧୂରନ୍ଧର ।

ମୋତେ ଚାହିଁ ତୁମ୍ଭ ନାମ ନ ସ୍ମରନ୍ତି ନର ।୩।

କୁମ୍ଭୀପାକେ ରବ ଅବା ଜମ୍ଭଭେଦୀ ପାଶେ ।

ସୁଖ ଦୁଃଖକୁ ମୋହର ଭୟ ନାହିଁ ଲେଶେ ।୪।

କେବଳ ତୁମ୍ଭ ସ୍ମରଣ ପାଶୋରିବି ନାହିଁ ।

ବନମାଳୀ ମାଗେ ଏବେ ଦନ୍ତେ ତୃଣ ଦେଇ ।୫।